മുംബൈ: മുംബൈയിലെ മുളുണ്ടില് നിർമ്മാണത്തിലിരുന്ന മെട്രോ പാലത്തിന്റെ ഭാഗം തകർന്നുവീണ് ഓട്ടോറിക്ഷയ്ക്കും കാറിനും മുകളിലേക്ക് പതിച്ചുണ്ടായ അപകടത്തില് ഒരാള് മരിച്ചു. മൂന്നുപേർക്ക് പരുക്കേറ്റു. മുളുണ്ടിലെ എല്ബിഎസ് റോഡില് വെച്ചാണ് ദാരുണമായ അപകടം സംഭവിച്ചത്.
നിർമ്മാണത്തിലിരുന്ന പാരപെറ്റിന്റെ ഭാഗമാണ് താഴേക്ക് പതിച്ചത്. ഏകദേശം ആറടി നീളവും നാലടി വീതിയുമുള്ള ഭാഗമാണ് ഓട്ടോറിക്ഷയ്ക്ക് മുകളിലേക്ക് വീണത്. അപകടത്തില്പ്പെട്ട രാംധാൻ യാദവ് എന്നയാളാണ് മരിച്ചത്. പരുക്കേറ്റ രാജ്കുമാർ ഇന്ദ്രജീത് യാദവ് (45) ഗുരുതരാവസ്ഥയില് തീവ്രപരിചരണ വിഭാഗത്തില് ചികിത്സയിലാണ്.
മഹേന്ദ്ര പ്രതാപ് യാദവ് (52), ദീപ റുഹിയ (40) എന്നിവരാണ് പരുക്കേറ്റ മറ്റ് രണ്ട് പേർ. ഇവരുടെ നില തൃപ്തികരമാണെന്ന് അധികൃതർ അറിയിച്ചു. മുംബൈ മെട്രോപൊളിറ്റൻ റീജിയണ് ഡെവലപ്മെന്റ് അതോറിറ്റി (എംഎംആർഡിഎ) ഉദ്യോഗസ്ഥർ സ്ഥലത്തെത്തി രക്ഷാപ്രവർത്തനങ്ങള്ക്ക് നേതൃത്വം നല്കി.
SUMMARY: One person dies after metro pole under construction collapses on vehicles in Mumbai
WhatsApp
Telegram
