ബെംഗളൂരു: ലുലു ഫണ്ടൂറ സംഘടിപ്പിച്ച ലിറ്റിൽ ഷെഫ് മത്സരം നാലാം പതിപ്പിന്റെ ഗ്രാൻഡ് ഫിനാലെ രാജാജിനഗറിലെ ലുലു മാളില് നടന്നു. എട്ട് വയസ് മുതല് 15 വയസ്സ് വരെ പ്രായമുള്ള കുട്ടികൾക്കായി സംഘടിപ്പിച്ച മത്സരത്തില് 300ലധികം കുട്ടികള് പങ്കെടുത്തു.
സായ് പ്രീതം ടൈറ്റില് വിന്നര് ആയി 50,000 രൂപയുടെ കാഷ് പ്രൈസിന് അര്ഹനായി. ഗ്യാൻ എസ്. കൊട്ടാരി, മയൂഖ് നാഗരാജു എന്നിവര് യഥാക്രമം ഫസ്റ്റ് റണ്ണർ അപ്പ്, സെക്കന്ഡ് ടൈറ്റിലുകൾ നേടി 25,000 രൂപ, 10,000 രൂപ കാഷ് പ്രൈസുകൾ കരസ്ഥമാക്കി. മുഹമ്മദ് ആഷിഖ് (മാസ്റ്റർ ഷെഫ് ഇന്ത്യ), ബി.എച്ച്. അർച്ചന, വർഗീസ് തോമസ്, ഷെഫ് നന്ദകുമാർ എന്നിവര് വിധി നിർണയം നടത്തി.
ഫണ്ടൂറ ബെംഗളൂരു കർണാടകയിലെ ഏറ്റവും വലിയ ഇൻഡോർ അമ്യൂസ്മെന്റ് പാർക്ക് വിഭാഗമാണ്. എല്ലാ പ്രായത്തിലുള്ളവർക്കും വിനോദത്തിനുള്ള മികച്ച അവസരങ്ങള് ഇവിടെ നൽകുന്നുണ്ട്. ലിറ്റിൽ ഷെഫ് മത്സരത്തിലൂടെ പുതിയ പ്രതിഭകളെ കണ്ടെത്തുന്നതിനൊപ്പം കുട്ടികളിൽ ഉത്തരവാദിത്തം, സ്വാതന്ത്ര്യം, ആരോഗ്യകരമായ ശീലങ്ങൾ എന്നിവ വളര്ത്തിയെടുക്കുക കൂടിയാണ് ലക്ഷ്യമിടുന്നതെന്ന് ലുലു മാൾ ബെംഗളൂരു റീജിയണൽ ഡയറക്ടർ കെ.കെ. ഷെരീഫ് പറഞ്ഞു.
SUMMARY: Bengaluru Lulu Funtura Little Chef Competition
WhatsApp
Telegram
