ബെംഗളൂരു: മഹീന്ദ്ര ഫസ്റ്റ് ചോയ്സ്, സിരീഷ് മോട്ടോഴ്സ്, ടോപ് ഗിയർ കാർസ് എന്നിവ സംയുക്തമായി സംഘടിപ്പിക്കുന്ന മൾട്ടി ബ്രാൻഡ് സർട്ടിഫൈഡ് യൂസ്ഡ് കാർ മെഗാ പ്രദർശനം ജയനഗർ ഫസ്റ്റ് ബ്ലോക്കിലെ റാണി സരള ദേവി ഗ്രൗണ്ടിൽ ആരംഭിച്ചു. മഹീന്ദ്ര ഫസ്റ്റ് ചോയ്സ് കർണാടക റീജിയണൽ സെയിൽസ് മാനേജർ അനിത ബസു, സിരീഷ് ഓട്ടോ ഡി.പി നാഗേഷ് റെഡി എന്നിവർ ചേർന്ന് പ്രദർശനം ഉദ്ഘാടനം ചെയ്തു. സൗത്ത് സോണൽ ഹെഡ് മിഥുൻ ജോസ്, മറ്റു പ്രതിനിധികൾ എന്നിവർ പങ്കെടുത്തു.
പ്രദർശനത്തിൽ പങ്കെടുക്കുന്ന എല്ലാവർക്കും ടെസ്റ്റ് ഡ്രൈവ്, സ്പോട്ട് ഫൈനാൻസ് അപ്പ്രൂവൽ, ഒപ്പം ഡെലിവറി സൗകര്യങ്ങൾ ഏർപ്പെടുത്തിയിട്ടുണ്ടെന്ന് ബെംഗളൂരു സീനിയർ മാനേജർ കെ. ആർ. ബിന്നി അറിയിച്ചു. പ്രദർശനം ഞായറാഴ്ച വൈകിട്ട് അവസാനിക്കും.
