ബെംഗളൂരു: ബെംഗളൂരു രാജാജിനഗറിലെ ലുലുമാളിൽ ‘ത്രെഡ്സ് ഓഫ് ഇന്ത്യ’ കൈത്തറി വസ്ത്രപ്രദർശനത്തിന് തുടക്കമായി. കർണാടക പഞ്ചസാര-വസ്ത്ര വ്യവസായവകുപ്പ് മന്ത്രി രുദ്രപ്പ ലമാനി ഉദ്ഘാടനം നിർവഹിച്ചു. കുടുംബങ്ങൾ, കരകൗശല തൊഴിലാളികൾ, നെയ്ത്തുകാർ എന്നിവരെ ഒരുമിച്ച് കൊണ്ടുവരുന്ന ഒരിടമാണിത്. ത്രെഡ്സ് ഓഫ് ഇന്ത്യ പോലുള്ള സംരംഭങ്ങൾ നെയ്ത്ത് സമൂഹങ്ങൾക്ക് അർഹമായ അംഗീകാരം നൽകുന്നുവെന്ന് മന്ത്രി പറഞ്ഞു
ലുലു ഗ്രൂപ്പ് കർണാടകയുടെ ഡയറക്ടർ നോമാൻ അസീസ് ഖാൻ അധ്യക്ഷത വഹിച്ചു. ശ്രീകൃഷ്ണരാജേന്ദ്ര സിൽവർ ജൂബിലി ടെക്‌നോളജിക്കൽ ഇൻസ്റ്റിറ്റ്യൂട്ട്, ഹാപ്പി ഹാർട്ട്‌സ് ആൻഡ് കമ്പനി, ജെ.ഡി. ഇൻസ്റ്റിറ്റ്യൂട്ട് ഓഫ് ഫാഷൻ ടെക്‌നോളജി, ജെ.ഡി. സ്കൂൾ ഓഫ് ഡിസൈൻ, അവന്ത്ര എന്നിവരുടെ സഹകരണത്തോടെ സംഘടിപ്പിക്കുന്ന പ്രദർശനം ഇന്ന് അവസാനിക്കും.
SUMMARY: ‘Threads of India’ Handloom Exhibition at Lulu Mall
