മുംബൈ: പാർവതിയെന്ന് പറഞ്ഞു വിശ്വസിപ്പിച്ച് തന്നെ ബലാത്സംഗം ചെയ്തെന്ന യുവതിയുടെ പരാതിയില് ആള്ദൈവം അറസ്റ്റില്. മഹാരാഷ്ട്രയിലെ പാല്ഘറിലാണ് സംഭവം. ഋഷികേശ് വൈദ്യ(40) എന്നയാളെയാണ് പോലീസ് അറസ്റ്റ് ചെയ്തത്. പുണെ സ്വദേശിനിയായ 35-കാരിയുടെ പരാതിയിലാണ് പോലീസിന്റെ നടപടി.
ഭഗവാൻ ശിവന്റെ അവതാരമെന്ന് അവകാശപ്പെട്ടാണ് ഋഷികേശ് വൈദ്യ യുവതിയെ സ്വാധീനിച്ചത്. 2023-ല് ഫേസ്ബുക്ക് വഴിയാണ് യുവതിയും പ്രതിയും പരിചയപ്പെടുന്നത്. 2023 ഡിസംബറില് പ്രതി പുണെയിലെത്തി യുവതിയെ കണ്ടു. തുടർന്ന് താൻ ഭഗവാൻ ശിവന്റെ അവതാരമാണെന്നും യുവതി തന്റെ പാർവതിയാണെന്നും വിശ്വസിപ്പിച്ച് പീഡിപ്പിക്കുകയായിരുന്നു.
പീഡനദൃശ്യങ്ങള് പ്രതി മൊബൈല്ഫോണില് പകർത്തിയതായും പിന്നീട് ഈ ദൃശ്യങ്ങള് ഉപയോഗിച്ച് ഭീഷണിപ്പെടുത്തിയതായും പരാതിയിലുണ്ട്. കഴിഞ്ഞ മേയ് മാസത്തില് ഒരു ഹോട്ടലിലേക്ക് വിളിച്ചുവരുത്തി വീണ്ടും പീഡിപ്പിച്ചതായും പരാതിയില് പറയുന്നു.
SUMMARY: Self-proclaimed godman who raped young woman by making her believe he was God
