ബെംഗളൂരു: ബെംഗളൂരുവിന് സമീപം മഗഡിയില് ബൈക്ക് ലോറിയിലിടിച്ച് രണ്ട് പിജി വിദ്യാർഥികൾ മരിച്ചു. അഭിഷേക് (21), മനോജ് (21) എന്നിവരാണ് മരിച്ചത്. ഇവർക്കൊപ്പം ഉണ്ടായിരുന്ന നവീൻ എന്ന വിദ്യാർഥിക്ക് അപകടത്തിൽ ഗുരുതരമായി പരുക്കേറ്റു. ബെംഗളൂരുവിൽ നിന്ന് മൂന്ന് ചേര്ന്ന് ബൈക്കില് കുനിഗലിലേക്ക് പോകുന്നതിനിടെ രാമനഗര മരൂർ ഹാൻഡ്പോസ്റ്റിന് സമീപം വെള്ളിയാഴ്ച രാത്രിയാണ് അപകടം ഉണ്ടായത്. ഇരുവരും സംഭവസ്ഥലത്ത് വെച്ച് തന്നെ മരിച്ചു. പരുക്കേറ്റ നവീനെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു.
മരിച്ച വിദ്യാര്ഥികളുടെ മൃതദേഹങ്ങൾ നെലമംഗലയിലെ ആശുപത്രിയിലേക്ക് മാറ്റി. സംഭവവുമായി ബന്ധപ്പെട്ട് കുദൂർ പോലീസ് കേസെടുത്തു അന്വേഷണം തുടങ്ങി.
SUMMARY: Bike accident; Two PG students meet tragic end
