തിരുവനന്തപുരം: സംസ്ഥാനത്ത് പാലിന് ലിറ്ററിന് നാലുരൂപ കൂട്ടും. തിരുവനന്തപുരത്ത് ചേരുന്ന ഫെഡറേഷന് യോഗത്തിലാണ് കൂട്ടിയ വിലയില് ധാരണയായത്. തിരഞ്ഞെടുപ്പ് കമ്മിഷന്റെ പ്രത്യേക അനുമതിയോടുകൂടിയാണ് വില കൂട്ടുന്നത്. തിരഞ്ഞെടുപ്പ് പെരുമാറ്റചട്ടം കഴിഞ്ഞാലുടന് കൂടിയ വില നടപ്പില് വരും
56 രൂപയുള്ള ഒരുലിറ്റര് പാലിന് 60 രൂപയാകും. കര്ഷകര്ക്ക് പാലിന്റെ ഗുണനിലവാരമനുസരിച്ച് നിലവില് 45 മുതല് 52 രൂപവരെ ലഭിക്കുന്നുണ്ട്. 2022 ഡിസംബറിലാണ് അവസാനമായി വിലകൂട്ടിയത്. വിലകൂട്ടണമെന്ന് കഴിഞ്ഞവര്ഷംതന്നെ മില്മ മേഖലാ യൂണിയനുകള് ഫെഡറേഷനോട് ആവശ്യപ്പെട്ടിരുന്നു.
ഉദ്പാനച്ചെലവ് വര്ധിച്ചതിനാല് 10 രൂപ കൂട്ടണമെന്നാണ് എറണാകുളം മേഖലാ യൂണിയന് ആവശ്യപ്പെട്ടിരുന്നത്. പാല്വില വര്ധിപ്പിച്ചാല് അത് വിപണിയെ എങ്ങനെ ബാധിക്കുമെന്നതിനെക്കുറിച്ച് മില്മ പഠനവും നടത്തി.
SUMMARY: Milma milk price to increase by Rs 4 per liter; price hike to come into effect as soon as code of conduct is passed
WhatsApp
Telegram
