ബെംഗളൂരു: മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിക്ക് പകരമായി കേന്ദ്ര സര്ക്കാര് ആവിഷ്കരിച്ച വിബി-ജി റാം ജി പദ്ധതി സംസ്ഥാനത്ത് ജൂലൈ 1 മുതല് നടപ്പിലാക്കും. ഗ്രാമീണ മേഖലയിലെ ജനങ്ങളുടെ ക്ഷേമംകരുതിയാണ് പദ്ധതി നടപ്പാക്കുന്നത്. എന്നാല് സംസ്ഥാനത്തിന്റെ അവകാശം സംരക്ഷിക്കാന് നിയമപോരാ ട്ടം നടത്തും. പദ്ധതിയോടുള്ള എതിര്പ്പിനും മാറ്റമില്ലെന്നും ഗ്രാമവികസനവകുപ്പ് മന്ത്രി ഈശ്വര് ഖന്ഡ്രേ പറഞ്ഞു.
മഹാത്മാഗാന്ധി തൊഴിലുറപ്പ് പദ്ധതിക്കുപകരം വിബി-ജി. റാം ജി പദ്ധതി നടപ്പാക്കുന്നതിനെ ശക്തമായി എതിര്ക്കുന്ന സംസ്ഥാനമാണ് കര്ണാടക. പദ്ധതി ഉപേക്ഷിക്കണമെന്ന് സിദ്ധരാമയ്യ മുഖ്യമന്ത്രിയായിരിക്കുമ്പോള് നിയമസഭയില് പ്രമേയം പാസാക്കിയിരുന്നു.
നേരത്തെ യുപിഎ സര്ക്കാര് കൊണ്ടുവന്ന ഗ്രാമീണ തൊഴിലുറപ്പു പദ്ധതി പ്രകാരം ദിവസവേതനത്തിന്റെ 90 ശതമാനവും വഹിച്ചിരുന്നത് കേന്ദ്ര സര്ക്കാരാണ്. എന്നാല് വിബി-ജി റാം ജി പദ്ധതി പ്രകാരം 60% മാത്രമാണ് കേന്ദ്രം വഹിക്കുന്നത്. ബാക്കി 40% സംസ്ഥാനങ്ങള്ക്കു മേല് അടിച്ചേല്പിക്കുകയാണ്. ഇതോടെ സംസ്ഥാനത്തിന് ഒരു വര്ഷം 3806 കോടി രൂപ അധികമായി മാറ്റിവയ്ക്കേണ്ടി വരുമെന്നും മന്ത്രി പറഞ്ഞു. പദ്ധതിയ്ക്ക് എതിരേ സുപ്രീംകോടതിയെ സമീപിക്കാനുള്ള സര്ക്കാരിന്റെ തീരുമാനത്തില്നിന്ന് പിന്നോട്ടില്ല. ഹര്ജിയുമായി മുന്നോട്ടു പോകുമെന്നും ഉടന് തന്നെ കോടതിയെ സമീപിക്കുമെന്നും മന്ത്രി വ്യക്തമാക്കി.
SUMMARY: VB-G Ram G project in Karnataka too
