ബെംഗളൂരു: മയക്കുമരുന്ന് ഉപയോഗമെന്ന മാരക വിപത്തിനെതിരെ കൈകോര്ത്ത് ബെംഗളൂരുവിലെ മലയാളി സംഘടനകള്. ആന്റിഡോട്ട് ഫൗണ്ടേഷൻ ഓഫ് ഇന്ത്യ(അഫോയി) സംഘടിപ്പിച്ച മലയാളി സംഘടനകളുടെ പൊതുയോഗത്തില് ബെംഗളൂരുവിലെ വിവിധ മലയാളി സംഘടന ഭാരവാഹികള് പങ്കെടുത്തു.
ബെംഗളൂരു നോർക്ക റൂട്ട് ഡെവലപ്മെന്റ് ഓഫീസർ എം കെ ജയപ്രകാശ് മുഖ്യാതിഥിയായിരുന്നു. അഫോയ് ചെയർമാൻ പി എ ഐസക് ജൂലൈ 25 ന് സെന്റ് ക്ലാരറ്റ് കോളേജ് ജാലഹള്ളിയിൽ വച്ച് നടക്കുന്ന ഉദ്ഘാടനത്തിന് എല്ലാ സംഘടനകളുടെയും പിന്തുണ അഭ്യർത്ഥിച്ചു. പ്രസിഡന്റ് ബിനു ദിവാകരൻ, ജനറൽ സെക്രട്ടറി അഡ്വ ബുഷ്റ വളപ്പിൽ, ട്രഷറർ ജോജു വർഗ്ഗീസ്, ഹോപ്പ് സൊസൈറ്റി സ്ഥാപകനും അഫോയ് ഉപദേശകനുമായ ഫാ. ജോർജ് കണ്ണന്താനം എന്നിവർ സംസാരിച്ചു.
തുടർന്ന് വിവിധ സംഘടനാ പ്രതിനിധികളെ ഉൾപ്പെടുത്തിക്കൊണ്ട് ഉദ്ഘാടന പരിപാടിയുടെ നടത്തിപ്പിനായുള്ള വ്യത്യസ്ത കമ്മിറ്റികൾ രൂപീകരിച്ചു. കോർ കമ്മിറ്റി കൺവീനറായി സുമോജ് മാത്യുവിനെ തിരഞ്ഞെടുത്തു. എംഎംഎ എഐകെഎംസി സി, കെഎന്എസ്എസ്, എസ്എന്ഡിപി, ഡ്രീം ഇൻഡ്യ ഫൗണ്ടേഷൻ കേരള സമാജം, സുവർണ കർണാടക കേരള സമാജം, മലയാളം മിഷൻ കർണാടക ചാപ്റ്റർ, എയ്മ, സൗത്ത് ബാംഗ്ലൂർ മലയാളി അസോസിയേഷൻ, കർണാടക പ്രവാസി കോൺഗ്രസ്, കർണാടക മലയാളി കോൺഗ്രസ്, യുണൈറ്റഡ് മലയാളി ഫെഡറേഷൻ, സ്മൈൽ ചാരിറ്റബിൾ സൊസൈറ്റി, ഹിറ വെൽഫെയർ അസോസിയേഷൻ, എന്നീ സംഘടനകളുടെ പ്രതിനിധികൾ ചടങ്ങിൽ സംസാരിച്ചു.
അഫോയ് യൂത്ത് വിംഗ് പ്രതിനിധികളായ അർച്ചന, അഭയ്, ജീവൻ, അഭിഷേക് എന്നിവർ പങ്കെടുത്തു.നാസർ നീലസാന്ദ്ര കവിത അവതരിപ്പിച്ചു. ടോമി ജെ ആലുങ്കൽ, ജോർജ് ജേക്കബ്, മെറ്റി കെ ഗ്രേസ്, റെനോൾഡ് സണ്ണി, നന്ദകുമാർ കൂടത്തിൽ, നല്ലൂർ നാരായണൻ, വിഎല് ജോസഫ്, ശംസുദ്ധീൻ കൂടാളി, അടൂർ രാധാകൃഷ്ണൻ, അബ്ദുൽ ലത്തീഫ്, റഹീം ചാവശ്ശേരി, മഹറൂഫ്,സുബൈർ കായക്കൊടി, കബീർ,ടി സി മുനീർ, ജാഷിർ പൊന്ന്യൻ, പ്രഫുൽ കണ്ടത്ത്, രജനി ജയപ്രകാശൻ, സന്ധ്യ അനിൽ, റെജി രാജേഷ്, സാജിത കെ കെ, ഷാഹിന ടി എന്നിവർ പരിപാടിക്ക് നേതൃത്വം നൽകി. യൂത്ത് വിങ്ങ് ഭാരവാഹിയായ ജിയോ ആൻ ടോം നന്ദി പറഞ്ഞു.
SUMMARY: Malayali organizations in Bengaluru join hands against the spread of drugs
