ബീജിങ്: ഷൂ ഫാക്ടറിയിലുണ്ടായ തീപിടിത്തത്തില്‍ 28 പേർ മരിച്ചു. ഫുജിയാൻ പ്രവിശ്യയിലെ ജിൻജിയാങ് നഗരത്തിലുള്ള ഹുയിറ്റെങ് ഷൂസ് ഫാക്ടറിയിലാണ് തീപിടിത്തമുണ്ടായത്. അപകടത്തില്‍ “വലിയ നാശനഷ്ടങ്ങള്‍” ഉണ്ടായെന്ന് പ്രസിഡൻ്റ് ഷി ജിൻപിങ് പറഞ്ഞതായി ബിബിസി റിപ്പോർട്ട് ചെയ്തു.
അപകട സമയത്ത് ഫാക്ടറിയില് ഏകദേശം 240 ഓളം പേർ ഉണ്ടായിരുന്നു. താഴത്തെ നിലയിലാണ് തീപിടിത്തമുണ്ടായത്. അവിടെ എളുപ്പത്തില്‍ തീപിടിക്കുന്ന ഷൂ നിർമാണ വസ്തുക്കളും പശകളും സൂക്ഷിച്ചിരുന്നു. ഇത് വേഗത്തില്‍ തീ പടരാൻ കാരണമായി. തീ അണയ്ക്കുന്നതിനും ആളുകളെ രക്ഷപ്പെടുത്തുന്നതിനുമായി 500 ലധികം പേരെ അധികൃതർ അയച്ചതായി സംസ്ഥാന മാധ്യമങ്ങളെ ഉദ്ധരിച്ച്‌ ബിബസി റിപ്പോർട്ട് ചെയ്തു.
കുടുങ്ങിക്കിടക്കുന്നവരെ രക്ഷപ്പെടുത്തുന്നതിനും പരുക്കേറ്റവർക്ക് ചികിത്സ നല്‍കുന്നതിനും അപകടത്തിൻ്റെ കാരണം കണ്ടെത്തുന്നതിനും ആവശ്യമായ എല്ലാ കാര്യങ്ങളും നിർബന്ധമായും ചെയ്യണമെന്ന് ഷി ജിൻപിങ് നിർദേശം നല്‍കി.
SUMMARY: Massive fire at shoe factory in China; 28 dead
