ആലപ്പുഴ: ആലപ്പുഴയില് യുവാവിനെ ബന്ധു കുത്തിക്കൊന്നു. മംഗലം സ്വദേശി മനീഷ് ആണ് കൊല്ലപ്പെട്ടത്. 28 വയസായിരുന്നു. ഞായറാഴ്ച വൈകീട്ട് 5:30 മംഗലത്തുള്ള വാടകവീട്ടിലാണ് സംഭവം. ഇയാളുടെ ബന്ധുവായ റോബിൻ (26) നെ പോലീസ് കസ്റ്റഡിയിലെടുത്തിട്ടുണ്ട്.
റോബിന്റെ വാടക വീടിന്റെ മുന്നില്വെച്ചാണ് മനീഷിനെ കുത്തിയത്. റോബിന്റെ ഭാര്യയുമായി മനീഷിന് ബന്ധമുണ്ടെന്ന ആരോപണത്തെച്ചൊല്ലി ഇരുവരും തമ്മിൽ ഏറെ നാളുകളായി തർക്കങ്ങൾ നിലനിന്നിരുന്നു. കുഞ്ഞിനെ കാണുന്നതിനായി ഭാര്യ റോബിന് താമസിക്കുന്ന വാടക വീട്ടില് എത്തിയിരുന്നു. മനീഷിനൊപ്പമായിരുന്നു ഭാര്യ എത്തിയത്. ഭാര്യയുമായി മനീഷിന് ബന്ധമുണ്ടെന്ന് ആരോപിച്ച് റോബിന് ആക്രമിക്കുകയായിരുന്നു. അടുക്കളയില് നിന്ന് കത്തി എടുത്ത് മനീഷിന്റെ നെഞ്ചില് കുത്തുകയായിരുന്നു. ഉടന് തന്നെ സമീപവാസികള് എത്തി മനീഷിനെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിക്കുകയായിരുന്നു. ഇൻക്വസ്റ്റ് നടപടികൾക്ക് ശേഷം മനീഷിന്റെ മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
SUMMARY: Family feud: Young man stabbed to death by relative in Alappuzha
