കൊച്ചി: സംസ്ഥാനത്ത് സ്വര്ണവിലയില് വര്ധന. പവന് 560 രൂപ വര്ധിച്ചതോടെ വീണ്ടും 1,05,000ന് മുകളില് എത്തി. ഗ്രാമിന് 13,160 രൂപയാണ് ഇന്നത്തെ നിരക്ക്. ഇന്നലെ 1,04,720 രൂപയായിരുന്നു പവൻ വില. ഗ്രാമിന് 13,090 രൂപയുമായിരുന്നു ഇന്നലത്തെ നിരക്ക്. നാലുദിവസത്തെ ഇടവേളക്ക് ശേഷമാണ് വർധന.
ഈ മാസമാദ്യം 1,03,240 രൂപയായിരുന്നു പവന്വില. പിന്നീട് പല ദിവസങ്ങളായി 1,07,800 രൂപ വരെ ഉയർന്നു. ഇതിനുശേഷമാണ് ചെറിയ തോതിലുള്ള ഇടിവ് ഉണ്ടായത്.
അതേസമയം അന്താരാഷ്ട്രവിപണിയിൽ സ്പോട്ട് ഗോൾഡിന് വിലയിടിവ് രേഖപ്പെടുത്തി. സ്പോട്ട് ഗോൾഡ് ട്രോയ് ഔൺസിന് 29.10 ഡോളർ കുറഞ്ഞ് 4,033.78 ഡോളറായി. 0.72 ശതമാനമാണ് കുറഞ്ഞത്.
അമേരിക്ക- ഇറാന് സംഘര്ഷം വീണ്ടും കനത്തതോടെ എണ്ണവില കുതിച്ച് ഉയര്ന്നത് അടക്കമുള്ള വിഷയങ്ങളാണ് കഴിഞ്ഞ ദിവസങ്ങളില് സ്വര്ണവിലയെ സ്വാധീനിച്ചത്. എന്നാല് എണ്ണവില വര്ധനയെ തുടര്ന്നുള്ള വിലക്കയറ്റ ആശങ്ക അമേരിക്കയില് ഒഴിഞ്ഞതാണ് സ്വര്ണവില തിരിച്ചുകയറാന് സഹായിച്ചത്. വിലക്കയറ്റ സമ്മര്ദ്ദം കുറഞ്ഞതോടെ പലിശനിരക്ക് കൂട്ടാന് ഉടനടി അമേരിക്കന് കേന്ദ്രബാങ്ക് തയ്യാറാവില്ല എന്ന റിപ്പോര്ട്ട് ആണ് സ്വര്ണവിലയില് പ്രതിഫലിച്ചത്. യുഎസ് ഫെഡറല് റിസര്വ് പലിശനിരക്ക് കൂട്ടാന് തയ്യാറായിരുന്നുവെങ്കില് സ്വര്ണത്തിന്റെ ആകര്ഷണം കുറയാന് അത് ഇടയാക്കുമായിരുന്നു. പത്തുദിവസത്തിനിടെ 3000 രൂപ കുറഞ്ഞ ശേഷമാണ് ഇന്നത്തെ തിരിച്ചുവരവ്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
SUMMARY: Gold prices increase; After four days of decline, it increased by Rs 560 in one go
