ബെംഗളൂരു: കര്‍ണാടക നായര്‍ സര്‍വീസ് സൊസൈറ്റി ശിവമൊഗ്ഗ കരയോഗത്തിന്റെ വാര്‍ഷിക പൊതുയോഗവും കുടുംബസംഗമവും ശിവമൊഗ്ഗ ശ്രീ ദ്വാരക കണ്‍വെന്‍ഷന്‍ ഹാളില്‍ കുടുംബാംഗങ്ങളുടെ കലാപരിപാടികളോടെ നടന്നു.
ശിവമൊഗ്ഗ എം എല്‍ എ എസ് ചെന്നബസപ്പ, എംഎല്‍സിമാരായ ഡി എസ് അരുണ്‍, ഡോ. ധനഞ്ജയ സാര്‍ജി, കെഎന്‍എസ്എസ് വൈസ് ചെയര്‍മാന്‍മാരായ കെ വി ഗോപാലകൃഷ്ണന്‍, ജി മോഹന കുമാര്‍, എന്‍ ഡി സതീഷ്, ജനറല്‍ സെക്രട്ടറി ടി. വി. നാരായണന്‍, ജോയിന്റ് ജനറല്‍ സെക്രട്ടറിമാരായ ഹരീഷ് കുമാര്‍, എന്‍ വാസുദേവന്‍ നായര്‍, ട്രഷറര്‍ എന്‍. വിജയകുമാര്‍ എന്നിവര്‍ മുഖ്യാതിഥികളായി. എസ്എസ്എല്‍സി, പിയുസി പരീക്ഷകളില്‍ ഉന്നത വിജയം കൈവരിച്ച വിദ്യാര്‍ത്ഥികളെയും കരയോഗത്തിന്റെ മുതിര്‍ന്ന അംഗങ്ങളെയും ചടങ്ങില്‍ ആദരിച്ചു.
കരയോഗം പ്രസിഡന്റ് പി എസ് പൊതുവാള്‍, സെക്രട്ടറി രഞ്ജിത്ത് ആര്‍ എല്‍, സോമശേഖര്‍, കെ സി ബി പിള്ള, ജയകുമാര്‍, സുബ്രമണ്യന്‍, സുരേഷ്, മഹിളാ വിഭാഗം സൗപര്‍ണികയുടെ പ്രസിഡന്റ് ഹേമ ജയശങ്കര്‍, സെക്രട്ടറി സിന്ധു സതീഷ്, സാവിത്രി, ലതിക, യുവജന വിഭാഗം സഹ്യാദ്രിയുടെ അംഗങ്ങളായ ദിവാകരന്‍ നായര്‍, സുപ്രിയ, ഗായത്രി, വിഷ്ണു എന്നിവര്‍ പരിപാടികള്‍ക്ക് നേതൃത്വം നല്‍കി.
SUMMARY: KNSS Shivamogga Karayogam Family Gathering
