ബെംഗളൂരു: അൽ മദ്റസത്തുൽ ബദ്രിയ്യ യശ്വന്തപുരവും മാരിബ് എഡ്യൂക്കേഷണൽ ചാരിറ്റബിൾ ട്രസ്റ്റും സംയുക്തമായി മീലാദ് റാലി സംഘടിപ്പിച്ചു. യശ്വന്തപുര കേരള മുസ്ലിം ജമാഅത് മസ്ജിദിൽ നിന്ന് ആരംഭിച്ച റാലിക്ക് പ്രസിഡന്റ് അബൂബക്കർ ഹാജി പതാക ഉയർത്തി. മഹല്ല് ഖത്തീബ് ഉസ്താദ് ഷൗഖത്തലി വെള്ളമുണ്ട പ്രാർത്ഥന നടത്തി. ജനറൽ സെക്രട്ടറി വി.കെ അബ്ദുൽ നാസർ സ്വാഗതം പറഞ്ഞു. മസ്ജിദ് ത്വാഹ പ്രസിഡന്റ് കന്നഡ സമീഹുല്ല, എസ്.എം. എഫ് ബം, ബെംഗളൂരു ജില്ല അഡ്ഹോക് കമ്മിറ്റി ചെയർമാൻ എം.കെ നൗഷാദ് മുഖ്യാതിഥികളായി പങ്കെടുത്തു.
മദ്റസ മാനേജ്മെന്റ് ഭാരവാഹികളായ ഫൈസൽ തലശ്ശേരി, റിയാസ് ക്വാളിറ്റി, മഹമൂദ് വികെ എന്നിവർ ആശംസിച്ചു. മദ്റസ പ്രധാന അദ്ധ്യാപകൻ റാഷിദ് വാഫി നന്ദി പറഞ്ഞു. മഹല്ല് നിവാസികളും രക്ഷിതാക്കളും വിദ്യാർത്ഥികളും പൂർവ വിദ്യാർത്ഥികളും ഇതര മതസ്ഥരായ പ്രദേശവാസികളും റാലിയിൽ പങ്കെടുത്തു. മദ്റസ വിദ്യാർത്ഥികളുടെ ദഫ്, ഫ്ലവർ ഷോ, അറേബ്യൻ അറോമ, ചിരട്ട മുട്ട്, സ്കൗട്ട് എന്നിവ റാലിയില് ഉണ്ടായിരുന്നു. ഓഗസ്റ്റ് 28,29 ദിവസങ്ങളിലായി കുട്ടികളുടെ കലാപരിപാടികൾ മദ്റസയിൽ വെച്ച് നടക്കും.
