ബെംഗളൂരു: ദുലീപ് ട്രോഫി ഉദ്ഘാടന മത്സരം ബെംഗളൂരുവിൽ നടക്കും. എം. ചിന്നസ്വാമി സ്റ്റേഡിയത്തിന് സെപ്റ്റംബര് അഞ്ചിനാണ് മത്സരം ആരംഭിക്കുന്നത്. ആന്ധ്രാപ്രദേശിലെ ആനന്ദ്പുരിലാണ് മറ്റ് മത്സരങ്ങള് നിശ്ചയിച്ചിരുന്നത്. പ്രധാന കളിക്കാർ എത്തുന്നതിനാൽ ഉദ്ഘാടന മത്സരങ്ങൾ ആനന്ദ്പുരിൽ നിന്ന് ബെംഗളൂരുവിലേക്ക് മാറ്റുകയായിരുന്നു.
കളിക്കാർക്ക് ആനന്ദ്പുരിലേക്ക് യാത്ര ചെയ്യാൻ ബുദ്ധിമുട്ടായതിനാലാണ് തീരുമാനമെന്ന് കർണാടക ക്രിക്കറ്റ് അസോസിയേഷൻ പ്രസിഡന്റ് രഘുറാം ഭട്ട് പറഞ്ഞു. ഇത്തവണ ദുലീപ് ട്രോഫി 6 ടീമുകളുടെ സോണൽ ഫോർമാറ്റിൽ കളിക്കില്ല. പകരം അജിത് അഗാർക്കറുടെ നേതൃത്വത്തിലുള്ള സെലക്ഷൻ കമ്മിറ്റി ടൂർണമെന്റിനായി വ്യത്യസ്ത ഇന്ത്യൻ ടീമുകളെ (ഇന്ത്യ എ,ബി,സി,ഡി) തിരഞ്ഞെടുക്കും.
വിരാട് കോഹ്ലി, രോഹിത് ശർമ്മ എന്നിവരെ കൂടാതെ മുൻനിര താരങ്ങളായ ശുഭ്മാൻ ഗിൽ, കെ.എൽ. രാഹുൽ, അക്സർ പട്ടേൽ, രവീന്ദ്ര ജഡേജ, യശസ്വി ജയ്സ്വാൾ, സൂര്യ കുമാർ യാദവ്, കുൽദീപ് യാദവ് എന്നിവരോടും ദുലീപ് ട്രോഫിയിൽ കളിക്കാൻ ആവശ്യപ്പെട്ടിട്ടുണ്ട്. ബംഗ്ലാദേശിനെതിരായ രണ്ട് ടെസ്റ്റുകളുടെ പരമ്പരയ്ക്കുള്ള ടീമിനെ തിരഞ്ഞെടുക്കുന്നതിന് മുമ്പ് സെലക്ടർമാർ പ്രകടനം വിലയിരുത്തും. പേസ് താരം ജസ്പ്രീത് ബുംറയ്ക്ക് വിശ്രമം അനുവദിച്ചു.
TAGS: BENGALURU | CRICKET
SUMMARY: Duleep Trophy’s opening game to be held in Bengaluru, senior India players likely to star
