2024 പാരീസ് പാരാലിമ്പിക്സില് പുരുഷന്മാരുടെ ഹൈജമ്പ് ടി64 ഇനത്തില്‍ ഇന്ത്യയുടെ പ്രവീണ്‍ കുമാറിന് സ്വര്‍ണം. 2021 ടോക്കിയോ പാരാലിമ്പിക്സില് വ്യക്തിഗത മികച്ച 2.07 മീറ്ററോടെ വെള്ളി നേടിയ അദ്ദേഹം തുടര്‍ച്ചയായ രണ്ടാം പാരാലിമ്പിക്സ് മെഡല്‍ ഉറപ്പാക്കാന്‍ 2.08 മീറ്ററാണ് ക്ലിയര്‍ ചെയ്തത്. ഇത് ഏഷ്യന്‍ റെക്കോഡാണ്.
മാരിയപ്പന്‍ തങ്കവേലുവിന് ശേഷം പാരാലിമ്പിക്സ് ജമ്പിങ് ഇനത്തില്‍ സ്വര്‍ണ മെഡല്‍ നേടുന്ന രണ്ടാമത്തെ ഇന്ത്യന്‍ താരമെന്ന നേട്ടവും 21-കാരനായ നോയിഡ സ്വദേശി പ്രവീണ്‍ പ്രവീണിന് സ്വന്തമായി.
ഇതോടെ പാരീസ് പാരാലിമ്പിക്സില് ഇന്ത്യയുടെ മെഡല്‍ നേട്ടം 26 ആയി. ആറ് സ്വര്‍ണം, ഒമ്പത് വെള്ളി, 11 വെങ്കലവുമാണ് ഇന്ത്യയുടെ അക്കൗണ്ടിലുള്ളത്. നിലവില്‍ 14-ാം സ്ഥാനത്താണ് ഇന്ത്യ. പാരാലിമ്പിക്സ് ചരിത്രത്തില്‍ ഇന്ത്യയുടെ ഏറ്റവും മികച്ച പ്രകടനമാണിത്.
യുഎസ്എയുടെ ഡെറെക് ലോക്‌സിഡെന്റ് (2.06 മീറ്റര്‍) വെള്ളിയും ഉസ്ബക്കെിസ്താന്റെ തെമുര്‍ബെക് ഗിയോസോവ് (2.03) വെങ്കലവും സ്വന്തമാക്കി.
<BR.
TAGS ; 2024 PARIS PARALYMPICS | INDIA
SUMMARY : Paralympics. Praveen Kumar wins gold in high jump
