ബെംഗളൂരു വിമാനത്താവളത്തിലേക്കുള്ള മെട്രോ ബ്ലൂ ലൈൻ രണ്ട് ഘട്ടങ്ങളായി തുറക്കാൻ പദ്ധതി
ബെംഗളൂരു: ബെംഗളൂരു വിമാനത്താവളത്തിലേക്കുള്ള നമ്മ മെട്രോയുടെ ബ്ലൂ ലൈൻ രണ്ട് ഘട്ടങ്ങളായി തുറക്കുമെന്ന് ബിഎംആർസിഎൽ. കെംപെഗൗഡ ഇൻ്റർനാഷണൽ എയർപോർട്ട് (കെഐഎ) ടെർമിനൽ-ഹെബ്ബാൾ സെക്ഷൻ 2026 സെപ്റ്റംബറിനുള്ളിൽ തുറക്കാനും, ഹെബ്ബാൾ – കെആർ പുരം സെക്ഷൻ ഡിസംബറിലും തുറക്കാനാണ് പദ്ധതിയെന്ന് ബിഎംആർസിഎൽ മാനേജിംഗ് ഡയറക്ടർ (എംഡി) എം. മഹേശ്വര റാവു പറഞ്ഞു.
വിമാനത്താവളത്തിനും ഹെബ്ബാളിനും ഇടയിലുള്ള മെട്രോ നിർമാണ ജോലികൾ അതിവേഗം പുരോഗമിക്കുകയാണ്. 38 കിലോമീറ്റർ ദൈർഘ്യമുള്ള ലൈനിന്റെ മുഴുവൻ ജോലികളും പൂർത്തിയായ ശേഷം ഔദ്യോഗിക ഉദ്ഘാടനം നിർവഹിക്കും.
എയർപോർട്ട് വഴിയുള്ള യാത്രക്കാർക്ക് ഹെബ്ബാളിൽ വേഗത്തിൽ എത്താൻ പുതിയ ലൈൻ സഹായിക്കുമെന്ന് മഹേശ്വര റാവു പറഞ്ഞു.
രണ്ട് പേരുടെ മരണത്തിന് ഇടയാക്കിയ നിർമാണ സ്ഥലത്തുണ്ടായ അപകടത്തെ തുടർന്ന് ഹെബ്ബാൾ-കെആർ പുരം പാതയിലെ മെട്രോ നിർമാണ ജോലികൾ ആറ് മാസത്തോളമായി നിർത്തിവച്ചിരുന്നു. കഴിഞ്ഞ വർഷം ജനുവരി 10ന്, എച്ച്ബിആർ ലേഔട്ടിൽ 18 മീറ്റർ ഉയരമുള്ള മെട്രോ പില്ലർ നിർമ്മിക്കാൻ ഉപയോഗിച്ച ഇരുമ്പ് ദണ്ഡുകൾ തലയിൽ വീണ് യുവതിയും കുഞ്ഞും മരിച്ചിരുന്നു. പിന്നീട് വിദഗ്ധ പരിശോധനകൾ നടത്തിയ ശേഷമാണ് നിർമാണ ജോലികൾ പുനരാരംഭിച്ചത്.
കല്യാൺ നഗർ, വീരണ്ണ പാളയ, നാഗവാരഴ് ഹെന്നൂർ എന്നിവിടങ്ങളിലെ മൂന്ന് ഫ്‌ളൈ ഓവറുകളും പദ്ധതിയുടെ ഭാഗമാണ്. മെട്രോ സ്റ്റേഷൻ ജോലികൾ കർണാടക പവർ ട്രാൻസ്മിഷൻ കോർപ്പറേഷൻ ലൈൻ ഏറ്റെടുത്തിട്ടുണ്ട്.
അതേസമയം സ്റ്റേഷൻ ആർക്കിടെക്ചറൽ ഫിനിഷിംഗ് ജോലികൾക്കായി ബിഎംആർസിഎൽ ഇതുവരെ ടെൻഡർ ക്ഷണിച്ചിട്ടില്ല. ഇക്കാരണത്താൽ ചിക്കജാലയിലും യെലഹങ്കയിലെ ഐഎഎഫ് സ്റ്റേഷന് സമീപവുമുള്ള സിവിൽ ജോലികൾ മന്ദഗതിയിലാണ്. ഇത് ഉടൻ പരിഹരിക്കുമെന്ന് റാവു വ്യക്തമാക്കി.
TAGS: BENGALURU | NAMMA METRO
SUMMARY: Namma metro blue line to open in two phases
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.