ബെംഗളൂരു: സിനിമ ടിക്കറ്റിനും ഒടിടി സബ്സ്ക്രിപ്ഷൻ ഫീസിനും സെസ് ഏർപ്പെടുത്താൻ ലക്ഷ്യമിട്ടുള്ള ബിൽ കർണാടക നിയമസഭ പാസാക്കി. രണ്ട് ശതമാനം വരെയാണ് സെസ് ഈടാക്കുക. സംസ്ഥാനത്ത് സിനിമ മേഖലയിൽ പ്രവർത്തിക്കുന്നവർക്ക് ക്ഷേമപദ്ധതി രൂപീകരിക്കുന്നതിനാണ് തുക വിനിയോഗിക്കുക. കർണാടക സിനി ആൻഡ് കൾച്ചറൽ വർക്കേഴ്സ് വെൽഫെയർ ബിൽ 2024 എന്ന പേരിലാണ് ബിൽ നിയമസഭയിൽ സർക്കാർ അവതരിപ്പിച്ചത്.
ഐകകണ്ഠ്യേനയാണ് ബിൽ പാസാക്കിയതെന്ന് തൊഴിൽവകുപ്പുമന്ത്രി സന്തോഷ് എസ്. ലാഡ് അറിയിച്ചു. ഏഴ് അംഗങ്ങളുള്ള ക്ഷേമബോർഡ് രൂപീകരിക്കാനും ബിൽ നിർദേശിക്കുന്നുണ്ട്. കർണാടകയിൽ കലാകാരൻമാരും, സാങ്കേതികവിദഗ്ധരും ഉൾപ്പെടെ 2355 പേർ സിനിമാമേഖലയിൽ പ്രവർത്തിക്കുന്നുണ്ടെന്നാണ് കണക്ക്. പുതിയ ബിൽ ഇവർക്കെല്ലാം പ്രയോജനപ്പെടുമെന്ന് മന്ത്രി പറഞ്ഞു.
TAGS: KARNATAKA | CESS
SUMMARY: karnataka govt passes bill for cess in cinema tickets
WhatsApp
Telegram
