ബെംഗളൂരു: ക്ഷേത്രത്തിന്റെ ശ്രീകോവിലിൽ നടൻ ദർശന്റെ ചിത്രം പതിപ്പിച്ച പൂജാരിക്ക് സസ്പെൻഷൻ. ബെള്ളാരി ദൊഡ്ഡ ബസവേശ്വര ക്ഷേത്രത്തിൻ്റെ ശ്രീകോവിലിലാണ് കൊലക്കേസ് പ്രതിയായ കന്നഡ നടൻ ദർശൻ തോഗുദീപയുടെ ചിത്രം പതിപ്പിച്ചത്.
കർണാടക ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്മെൻ്റ് ഡിപ്പാർട്ട്മെൻ്റ് ആണ് മല്ലിക എന്നറിയപ്പെടുന്ന മല്ലികാർജുൻ സ്വാമിയെ സസ്പെൻഡ് ചെയ്തത്. സംഭവത്തിൽ ആഭ്യന്തര അന്വേഷണത്തിനു ഉത്തരവിട്ടതായും ഉചിതമായ നടപടികൾ സ്വീകരിക്കുമെന്നും വകുപ്പ് അറിയിച്ചു.
മല്ലികാർജുനയെ ക്ഷേത്ര ചുമതലകളിൽ നിന്ന് സർക്കാർ പിരിച്ചുവിടണമെന്ന് ആവശ്യപ്പെട്ട് പ്രദേശവാസികളും ക്ഷേത്രസന്ദർശകരും വകുപ്പിന് നിവേദനം സമർപ്പിച്ചു. അദ്ദേഹത്തിൻ്റെ പ്രവർത്തനങ്ങൾ ക്ഷേത്രത്തിൻ്റെ പവിത്രതയെ അവഹേളിച്ചതായും പരാതിയുണ്ട്. ചിത്രദുർഗ സ്വദേശിയായ രേണുകസ്വാമി കൊലക്കേസിലാണ് ദർശൻ, സുഹൃത്തും നടിയുമായ പവിത്ര ഗൗഡ എന്നിവരുൾപ്പെടെ 17 പേർ അറസ്റ്റിലായത്.
TAGS: KARNATAKA | SUSPENSION
SUMMARY: Temple priest suspended over placing darshan photos near to diety
WhatsApp
Telegram
