ന്യൂഡല്ഹി: റഷ്യന് കൂലി പട്ടാളത്തില് ചേര്ന്ന മലയാളി യുവാവിന് മോചനം. യുദ്ധത്തില് ഗുരുതരമായി പരുക്കേറ്റ് ചികിത്സയിലായിരുന്ന ജെയിന് കുര്യനെ വിട്ടയച്ചു. മോസ്കോയിലെ ആശുപത്രിയില് നിന്നും ജെയിന് കുര്യനെ ഡല്ഹിയില് എത്തിച്ചു. ഡല്ഹിയിലെത്തിയ ജെയിന് കുര്യന് ബന്ധുക്കളോട് ഫോണില് സംസാരിച്ചു. ഇന്നുതന്നെ വീട്ടിലേക്ക് എത്തുമെന്ന് ബന്ധുക്കളെ അറിയിച്ചു
പട്ടാള ക്യാമ്പിലേക്ക് തിരികെയെത്തിക്കുമെന്നുള്ള ആശങ്കകള്ക്കിടയാണ് യുവാവിന്റെ അപ്രതീക്ഷിത മോചനം. മൂന്നുമാസം മുമ്പ് യുദ്ധത്തിൽ മുഖത്ത് പരുക്കേറ്റ് ജയിന് ചികിത്സയിലായിരുന്നു. മോസ്കോയിലെ ആശുപത്രിയിൽ നിന്നും ഡിസ്ചാർജ് ആയെന്ന ജെയിനിൻ്റെ സന്ദേശം കുടുംബത്തിന് ലഭിച്ചിരുന്നു. ആർമി ക്യാമ്പിലേക്ക് പോലീസിന്റെ സഹായത്തോടെ പോവുകയാണെന്നാണ് ജെയിന് അവസാനമായി കുടുംബത്തിന് അയച്ച സന്ദേശത്തിലുണ്ടായിരുന്നത്.
ആർമി കരാർ കാലാവധിഅവസാനിച്ചിട്ടും ജയിനെ വീണ്ടും യുദ്ധമുഖത്തേക്ക് അയക്കാൻ നീക്കമുണ്ടായിരുന്നു. പട്ടാള ക്യാമ്പിലെത്തിയാല് തിരികെ വരാന് ആവില്ലെന്നും സര്ക്കാരുകള് വിഷയത്തില് ഇടപെടണമെന്നും ജെയിന് അഭ്യര്ത്ഥിച്ചിരുന്നു. നേരെത്തെ ഇയാള്ക്കൊപ്പമുണ്ടായിരുന്ന കുട്ടനെല്ലൂര് സ്വദേശി ബിനില് ബാബു മരിച്ചതായി ഇന്ത്യന് എംബസി സ്ഥിരീകരിച്ചിരുന്നു. യുക്രൈന് ഷെല്ലാക്രമണത്തിനിടെ പരുക്കേറ്റായിരുന്നു മരണം. ഏജന്റ് മുഖേനയാണ് ജെയിന് അടങ്ങിയ മൂന്ന് പേര് റഷ്യയിലേക്ക് പോയത്.
<br>
TAGS : RUSSIAN ARMY
SUMMARY : Jain Kurian, a Malayali caught in the Russian mercenary army, was brought to Delhi
WhatsApp
Telegram
