മടിക്കേരി: കുടകിൽ കാട്ടാന ആക്രമണത്തിൽ വയോധികൻ മരിച്ചു. കുടക് ജില്ലയിലെ പൊന്നപ്പസന്തെ ഗ്രാമത്തിലാണ് സംഭവം. പ്രദേശവാസിയായ അജയ് എന്ന സൈക്കിൾ യാത്രക്കാരനെ കാട്ടാന ആക്രമിക്കാൻ ശ്രമിച്ചിരുന്നു. എന്നാൽ സൈക്കിൾ ഉപേക്ഷിച്ച് അജയ് ഓടി രക്ഷപ്പെട്ടു.
പിന്നാലെ ഇതേ റോഡിലൂടെ നടന്നു വരികയായിരുന്ന വയോധികനെ കാട്ടാന ആക്രമിച്ചു കൊലപ്പെടുത്തുകയായിരുന്നു. മരിച്ചയാളുടെ പേരു പുറത്തുവിട്ടിട്ടില്ല. 50 വയസ്സ് പ്രായമുള്ള മാനസിക വെല്ലുവിളി നേരിടുന്നയാളാണ് മരിച്ചതെന്നാണ് വനംവകുപ്പ് അധികൃതർ നൽകുന്ന വിവരം. സംഭവത്തിൽ വനം മന്ത്രി ഈശ്വർ ഖണ്ഡ്രെയുടെ രാജി ആവശ്യപ്പെട്ട് ആംആദ്മി പാർട്ടി പ്രവർത്തകർ പ്രതിഷേധവുമായി രംഗത്തെത്തി.
SUMMARY: Man Killed in Wild Elephant Attack at Kodagu
