ഇടുക്കി: ദേശീയപാത 85-ലെ നേര്യമംഗലം മുതല് വാളറ വരെയുളള നിര്മാണ പ്രവര്ത്തനങ്ങള് തടഞ്ഞ ഹൈക്കോടതി ഉത്തരവിനെതിരെ പ്രതിഷേധിച്ച് ഇടുക്കിയില് യുഡിഎഫ് ആഹ്വാനം ചെയ്ത ഹര്ത്താല് ആരംഭിച്ചു. വൈകുന്നേരം ആറുമണി വരെ അടിമാലി, വെളളത്തൂവല്, പളളിവാസല് പഞ്ചായത്തുകളിലാണ് ഹര്ത്താല്. രാവിലെ ആറിന് ആരംഭിച്ച ഹർത്താൽ ആദ്യമണിക്കൂറിൽ ഭാഗികമാണ്. കെഎസ്ആർടിസിയും സ്വകാര്യ ബസുകളും സർവീസ് നടത്തുന്നുണ്ട്. മറ്റ് വാഹനങ്ങളും ഓടുന്നുണ്ട്
അടിമാലി, വെളളത്തൂവല്, പളളിവാസല് പഞ്ചായത്തുകളില് യുഡിഎഫും അടിമാലി പഞ്ചായത്തില് എല്ഡിഎഫുമാണ് ഹര്ത്താലിന് ആഹ്വാനം ചെയ്തത്. കേന്ദ്ര വനം മന്ത്രാലയത്തിന്റെ അനുമതിയില്ലാതെ വനമേഖലയിലെ നിര്മ്മാണം ഡിവിഷന് ബെഞ്ച് തടഞ്ഞിരുന്നു. ഇത് നേര്യമംഗലം മുതല് വാളറ വരെയുളള ദേശീയ പാതയുടെ നിര്മാണത്തെ ബാധിക്കുമെന്ന് എല്ഡിഎഫും യുഡിഎഫും ആരോപിക്കുന്നു. വ്യാപാരി വ്യവസായികള് ഉള്പ്പെടെയുളളവര് ഹര്ത്താലിന് പിന്തുണ പ്രഖ്യാപിച്ചിട്ടുണ്ട്.
SUMMARY: Hartal today in 3 panchayats in Idukki
