ബെംഗളൂരു: കോലാറിലെ വിദ്യാ ജ്യോതി പ്രൈവറ്റ് പിയു കോളേജിലെ ഒരു അധ്യാപകനും വിദ്യാര്ഥികളും അടക്കം 51 പേര്ക്ക് ഭക്ഷ്യവിഷബാധയേറ്റു. കഴിഞ്ഞ ദിവസം അത്താഴത്തിന് ദോശ, ചട്ണി, ഉരുളക്കിഴങ്ങ് ഫ്രൈ എന്നിവ കഴിച്ചവർക്കാണു വിഷബാധയേറ്റത്. 51 പേരെയും ജില്ലാ എസ്എൻആർ ആശുപത്രിയിൽ പ്രവേശിപ്പിച്ചു. 45 വിദ്യാർഥികളാണ് ഇവിടെ ചികിത്സയിലുള്ളത്. അഞ്ച് പേരെ ഡിസ്ചാർജ് ചെയ്തു. ആരുടെയും നില ഗുരുതരമല്ല. ഭക്ഷണം, വെള്ളം എന്നിവയുടെ സാംപിളുകൾ പരിശോധനയ്ക്കായി അയച്ചിട്ടുണ്ട്.
SUMMARY: 51 people including teachers and students of a private college got food poisoning
