ബെംഗളുരു: സംസ്ഥാനത്തെ മൾട്ടി പ്ലക്സ് തിയേറ്ററുകളിലുൾപ്പെടെ സിനിമാ ടിക്കറ്റ് നിരക്ക് 200 രൂപയായി നിജപ്പെടുത്തി സർക്കാർ വിജ്ഞാപനം പുറത്തിറക്കി. കർണാടക സിനിമാസ് റെഗുലേഷൻ അമെൻമന്റ് റൂൾസ്, 2025 എന്ന പേരിലാണ് നിയമം വിജ്ഞാപനം ചെയ്തത്. എല്ലാ നികുതികൾക്കും പുറമെയാണിതെന്ന് വിജ്ഞാപനത്തിൽ പറയുന്നു.അതേസമയം 75 സീറ്റുകളോ അതിൽ കുറവോ ഉള്ള പ്രീമിയം തിയേറ്ററുകളിൽ ഈ നിയമം ഒഴിവാക്കിയിട്ടുണ്ട്. ഇവിടെ നിരക്ക് കൂടും
പ്രാദേശിക ചലച്ചിത്ര വ്യവസായത്തെ പിന്തുണയ്ക്കുന്നതിനുള്ള സർക്കാരിന്റെ തുടർച്ചയായ ശ്രമങ്ങളുടെ ഭാഗമായാണ് നടപടി. 2017-ൽ ടിക്കറ്റ് വില നിയന്ത്രിക്കാൻ സംസ്ഥാന സർക്കാർ ശ്രമിച്ചിരുന്നെങ്കിലും ഹൈക്കോടതി സ്റ്റേ നൽകിയതിനെത്തുടർന്ന് ആ ശ്രമങ്ങൾ നിർത്തിവച്ചിരുന്നു. മൾട്ടിപ്ലക്സുകളിൽ സിനിമ കാണുന്നതിനുള്ള ചെലവ് സമീപ വർഷങ്ങളിൽ വർദ്ധിച്ചുവരുന്നതിനാൽ നിയമം പ്രാബല്യത്തിൽ വരുന്നതോടെ സിനിമാപ്രേമികൾക്ക് ടിക്കറ്റ് ആശ്വാസം ലഭിക്കുമെന്നാണ് പ്രതീക്ഷ.
SUMMARY: Cinema tickets now cost Rs 200 in Karnataka
