ബെംഗളൂരു: രേണുകസ്വാമി കേസിൽ ബെംഗളൂരു സെൻട്രൽ ജയിലിൽ കഴിയുന്ന നടൻ ദർശന്റെ നഗരത്തിലെ ഫ്ലാറ്റിൽ മോഷണം. സെപ്റ്റംബർ 4 നും 8 നും ഇടയിൽ ഹൊസകെരെഹള്ളിയിലെ അപ്പാർട്ട്മെന്റിലാണ് മോഷണം നടന്നത്. 3 ലക്ഷം രൂപ കാണാതായതായി ഭാര്യ വിജയലക്ഷ്മി ദർശൻ്റെ വീട്ടു മാനേജർ നാഗരാജ് ചേന്നമ്മനകെരെ അച്ചുകാട്ട് പോലീസ് സ്റ്റേഷനിൽ നൽകിയ പരാതിയിൽ പറയുന്നു.
മൈസൂരുവിലേക്ക് പോകുന്നതിനു മുമ്പ് വിജയലക്ഷ്മി തന്റെ വീട്ടു മാനേജർ നാഗരാജിന് കുറച്ച് പണം കൈമാറിയതായും കിടപ്പുമുറിയിലെ വാർഡ്രോബിൽ സുരക്ഷിതമായി സൂക്ഷിക്കാനുള്ള നിർദ്ദേശം നൽകിയതായും പറയുന്നു. സെപ്റ്റംബർ 8 ന് തിരിച്ചെത്തിയപ്പോൾ പണം നഷ്ടപ്പെട്ടതായി അവർ കണ്ടെത്തി. വീട്ടുജോലിക്കാരെ ചോദ്യം ചെയ്തപ്പോൾ വിശ്വസനീയമല്ലാത്ത വിശദീകരണമാണ് ലഭിച്ചത്. വീട്ടുജോലിക്കാരിൽ വിജയലക്ഷ്മി സംശയം പ്രകടിപ്പിച്ചതിനെ തുടർന്നാണ് മാനേജർ നാഗരാജ് പരാതി നൽകിയത്. പോലീസ് കേസ് രജിസ്റ്റർ ചെയ്ത് അന്വേഷിച്ചുവരികയാണ്.
SUMMARY: Robbery at jailed actor Darshan’s flat; Rs 3 lakh missing, complaint
