ബെംഗളൂരു: 2020-ലെ ബെംഗളൂരു കലാപക്കേസിലെ രണ്ട് പ്രതികള്‍ക്ക് സുപ്രീം കോടതി ജാമ്യം അനുവദിച്ചു. പ്രതികളായ കദീം എന്ന സദ്ദാം, സിയ എന്നവര്‍ക്കാണ് കോടതി ജാമ്യം അനുവദിച്ചത്. അഞ്ച് വര്‍ഷത്തിലധികം നീണ്ട ജയില്‍വാസവും 138 പ്രതികള്‍ ഉള്‍പ്പെട്ട വിചാരണയില്‍ 254 സാക്ഷികളെ ഇനിയും കേസില്‍ വിസ്തരിക്കാനുണ്ടെന്ന വസ്തുതയും കണക്കിലെടുത്താണ് കോടതി ജാമ്യം അനുവദിച്ചത്. ജസ്റ്റിസ് എം.എം. സുന്ദരേഷ്, ജസ്റ്റിസ് സതീഷ് ചന്ദ്ര ശര്‍മ്മ എന്നിവരടങ്ങിയ ബെഞ്ച് കര്‍ണാടക ഹൈക്കോടതിയുടെ ജാമ്യം നിഷേധിച്ച ഉത്തരവ് റദ്ദാക്കി.
കേസില്‍ ബെംഗളൂരുവിലെ കെജി ഹള്ളി, ഡിജെ ഹള്ളി പോലീസ് സ്റ്റേഷനുകള്‍ അക്രമിച്ച കേസിലാണ് പ്രതികള്‍ക്കെതിരെ കുറ്റപത്രം സമര്‍പ്പിച്ചത്. കേസ് ദേശീയ അന്വേഷണ ഏജന്‍സിയാണ് അന്വേഷിച്ചത്. അതേസമയം, വിചാരണ ആരംഭിക്കുന്നതിലെ കാലതാമസത്തില്‍ കോടതി ആശങ്ക പ്രകടിപ്പിക്കുകയും യുഎപിഎ കുറ്റകൃത്യങ്ങളുടെ വിചാരണയ്ക്കായി കൂടുതല്‍ എന്‍ഐഎ കോടതികള്‍ സ്ഥാപിക്കാന്‍ സംസ്ഥാനത്തോട് നിര്‍ദ്ദേശിക്കുകയും ചെയ്തു.
SUMMARY: Bengaluru riots case; Supreme Court grants bail to two accused
