ഭോാപാല്: വ്യാജ ചുമമരുന്ന് ദുരന്തത്തില് ശ്രീസൺ ഫാർമസ്യൂട്ടിക്കൽസിന്റെ ഉടമ അറസ്റ്റിൽ. കോൾഡ്രിഫ് നിർമ്മാതാവ് ശ്രീസാൻ ഫാർമസ്യൂട്ടിക്കൽസ് ഉടമ രംഗനാഥനെയാണ് മധ്യപ്രദേശ് പോലീസ് അറസ്റ്റ് ചെയ്തത്. ചിന്ദ്വാരയിൽ നിന്ന് എത്തിയ പോലീസ് സംഘം കാഞ്ചീപുരത്ത് തുടരുകയാണ്. അതേസമയം ചിന്ദ്വാരയില് ചുമമരുന്ന് കഴിച്ച് ഒരു കുട്ടി കൂടി മരിച്ചതോടെ മരണം 21 ആയി
തമിഴ്നാട് ഡ്രഗ്സ് കണ്ട്രോള് അധികൃതര് നടത്തിയ അന്വേഷണത്തില് ശ്രീസാന് ഫാര്മസ്യൂട്ടിക്കല്സ് ചുമമരുന്ന് നിര്മിക്കാനായി പ്രൊപലീന് ഗ്ലൈക്കോള് ഉപയോഗിച്ചതായി കണ്ടെത്തിയിരുന്നു. മരുന്ന് നിര്മാണ യൂണിറ്റില് നടത്തിയ പരിശോധനയിലാണ് പ്രൊപലീന് ഗ്ലൈക്കോളിന്റെ ഉപയോഗം കണ്ടെത്തിയത്. ഫാര്മസ്യൂട്ടിക്കല് ഗ്രേഡ് ഉപയോഗിക്കേണ്ടതിന് പകരം സ്ഥാപനത്തില് നോണ് ഫാര്മസ്യൂട്ടിക്കല് ഗ്രേഡ് പ്രൊപലീന് ഗ്ലൈക്കോള് ഉപയോഗിച്ചതായി പരിശോധനയില് കണ്ടെത്തിയിരുന്നു. പരിശോധനയ്ക്ക് പിന്നാലെ പല സംസ്ഥാനങ്ങളിലും കോള്ഡ്റിഫ് നിരോധിക്കുകയും സ്റ്റോക്കുകള് നിറുത്തിവയ്ക്കാന് ഉത്തരവിടുകയും ചെയ്തിട്ടുണ്ട്.
SUMMARY: Fake cough medicine tragedy: Death toll rises to 21, owner of Srisan Pharmaceuticals arrested
.
