താമരശ്ശേരി ചുരത്തിൽ വീണ്ടും ലോറി കുടുങ്ങി, ഗതാഗതക്കുരുക്കിന് സാധ്യത  

കോഴിക്കോട്: താമരശ്ശേരി ചുരത്തിൽ ലോറി കുടുങ്ങിയതിനെ തുടർന്ന് ഇന്നും ഗതാഗതക്കുരുക്ക്. യന്ത്രതകരാറിനെ തുടർന്ന് ഇന്ന് പുലർച്ചെ രണ്ടുമണിയോടെയാണ് ലോറി കുടുങ്ങിയത്. ഇതോടെ ഗതാഗതക്കുരുക്ക് അനുഭവപ്പെട്ട് തുടങ്ങിയിരിക്കുകയാണ്. ‌കഴിഞ്ഞ ദിവസങ്ങളിലും ആറ്, ഏഴ് വളവുകളിൽ ലോറികൾ കുടുങ്ങിയിരുന്നു. ഒരാഴ്ച്ചയ്ക്കിടെ മൂന്നാംതവണയാണ് ലോറി കുടുങ്ങി ​ഗതാ​ഗതക്കുരുക്കുണ്ടായത്.

നിലവിൽ ലോറി സ്ഥലത്ത് നിന്ന് മാറ്റാൻ കഴിഞ്ഞിട്ടില്ല. വാഹനങ്ങൾ കൂടുതൽ എത്തിത്തുടങ്ങിയാല്‍ ​ഗതാ​ഗതക്കുരുക്ക് രൂക്ഷമാവാനാണ് സാധ്യത. ഒരു ഭാ​ഗത്ത് കൂടെ വാഹനങ്ങൾ കടത്തിവിടാനുളള ശ്രമം നടക്കുന്നുണ്ട്. വാഹനങ്ങൾ കൂടുതൽ എത്തിത്തുടങ്ങിയാൽ ​ഗതാ​ഗതക്കുരുക്ക് രൂക്ഷമാകാനാണ് സാധ്യത. ചുരം സംരക്ഷണ സമിതി അം​ഗങ്ങളും ഹൈവേ പോലീസും സ്ഥലത്തെത്തിയിട്ടുണ്ട്. ഒരു ഭാ​ഗത്ത് കൂടെ വാഹനങ്ങൾ കടത്തിവിടുന്നുണ്ട്.
SUMMARY: Lorry gets stuck again at Thamarassery pass, traffic jam likely