കോട്ടയം: മുൻ കടുത്തുരുത്തി എം.എല്.എ പി.എം. മാത്യു (75) അന്തരിച്ചു. വൃക്ക സംബന്ധമായ അസുഖങ്ങളെത്തുടർന്ന് പാലായിലെ സ്വകാര്യ ആശുപത്രിയില് ചികിത്സയിലിരിക്കെ ഇന്ന് രാവിലെയായിരുന്നു അന്ത്യം. 1991 മുതല് 1996 വരെയുള്ള കാലഘട്ടത്തില് കടുത്തുരുത്തി മണ്ഡലത്തെ പ്രതിനിധീകരിച്ച അദ്ദേഹം സജീവ രാഷ്ട്രീയത്തിലെ സുപരിചിത മുഖമായിരുന്നു.
കേരള കോണ്ഗ്രസ് ജോസഫ് വിഭാഗത്തിനൊപ്പമായിരുന്നു ഏറ്റവും ഒടുവില് അദ്ദേഹം പ്രവർത്തിച്ചിരുന്നത്. കുറച്ചുകാലമായി ആരോഗ്യപ്രശ്നങ്ങള് അലട്ടിയിരുന്നതിനാല് സംഘടനാ രംഗത്ത് സജീവമായിരുന്നില്ല. കേരള രാഷ്ട്രീയത്തിലെ സൗമ്യസാന്നിധ്യമായിരുന്ന പി.എം. മാത്യുവിന്റെ വിയോഗത്തില് വിവിധ രാഷ്ട്രീയ നേതാക്കള് അനുശോചനം രേഖപ്പെടുത്തി. സംസ്കാരം സംബന്ധിച്ച വിവരങ്ങള് പിന്നീട് അറിയിക്കും.
SUMMARY: Former Kaduthuruthy MLA P.M. Mathew passes away
