തിരുവനന്തപുരം: വർക്കലയില് നഗരസഭാ ആരോഗ്യ വിഭാഗം നടത്തിയ മിന്നല് പരിശോധനയില് വിവിധ ഹോട്ടലുകളില് നിന്ന് പഴകിയ ഭക്ഷണപദാർത്ഥങ്ങള് പിടികൂടി. വർക്കല ടൗണിലെ പത്തോളം ഹോട്ടലുകളിലാണ് ഇന്ന് രാവിലെ നഗരസഭ ആരോഗ്യ വിഭാഗം പരിശോധന നടത്തിയത്.
റെയില്വേ സ്റ്റേഷന് മുൻവശത്തെ പാലസ് ഹോട്ടല്, നടയറ ജംഗ്ഷനിലെ ഫാർമേഴ്സ് ഹോട്ടല് എന്നിവിടങ്ങളില് നിന്നാണ് പഴകിയ ഭക്ഷണം കണ്ടെത്തിയത്. നാല് ഹോട്ടലുകളില് നിന്ന് പരിസ്ഥിതിക്ക് ആഘാതമുണ്ടാക്കുന്ന നിരോധിത പ്ലാസ്റ്റിക് ഉല്പ്പന്നങ്ങളും പിടിച്ചെടുത്തിട്ടുണ്ട്. പഴകിയ ഭക്ഷണസാധനങ്ങള് സൂക്ഷിച്ച ഹോട്ടലുകള്ക്കെതിരെ പിഴ ചുമത്തിയതായി ആരോഗ്യ വിഭാഗം അധികൃതർ അറിയിച്ചു.
SUMMARY: Stale food items seized from hotels in Varkala
