വീട്ടുമുറ്റത്തിരുന്ന കുഞ്ഞിന് അടക്കം ഏഴ് പേർക്ക് കുറുനരിയുടെ കടിയേറ്റു 

കണ്ണൂര്‍:കണ്ണൂര്‍ മാട്ടൂലില്‍ കുറുനരി കുട്ടിയെ കടിച്ചു. വീട്ടുമുറ്റത്ത് കളിച്ചുകൊണ്ടിരിക്കുന്ന കുട്ടിക്കു നേരെയാണ് കുറുനരിയുടെ ആക്രമണമുണ്ടായത്. മുഹമ്മദ്ഫലാഹ് എന്ന പത്ത് വയസുകാരന്റെ കാലിലാണ് കടിച്ചത്. ഇന്നലെ വൈകീട്ടാണ് സംഭവം. കുറുനരി കുട്ടികളെ ആക്രമിക്കുന്നതിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.

പ്രദേശത്ത് കുറുനരിയുടെ ശല്യം വ്യാപകമാണ്. കണ്ണൂര്‍ ചേലേരിയിലും കുറുനരിയുടെ ആക്രമണമുണ്ടായി. രണ്ട് കുട്ടികള്‍ക്ക് ഉള്‍പ്പെടെ ആറുപേര്‍ക്കാണ് കടിയേറ്റത്. നാലാംപീടിക പാട്ടയത്തെ ഇബ്രാഹിം (8), ചേലേരി അമ്പലം റോഡിലെ നബ്ഹാൻ (10), എന്നീ വിദ്യാർത്ഥികൾക്കാണ് കടിയേറ്റത്. ചേലേരി മാലോത്തെ വിജയന് (67) കണ്ണിനും കാലിലും കടിയേറ്റു. സുരേഷ് (49), ചേലേരി അമ്പലത്തിന് സമീപം വീട്ടിൽ നിന്നും കടയിലേക്ക് പോവുകയായിരുന്ന മുരളി ( 60)ക്കും ചേലേരി വളവിൽ രാജേഷ് (34)നും കുറുനരിയുടെ കടിയേറ്റു. കണ്ണിന് കടിയേറ്റ വിജയനെ പരിയാരം ഗവ. മെഡിക്കൽ കോളേജിലേക്ക് മാറ്റി.
SUMMARY: A baby was bitten by a fox in the backyard