ഓടിക്കൊണ്ടിരുന്ന ബസിന് തീപിടിച്ചു; ഒഴിവായത് വൻ ദുരന്തം

ഡൽഹി: വടക്കൻ ഡല്‍ഹിയിലെ ഷാം നാഥ് മാർഗിന് സമീപത്ത് വച്ച്‌ ഓടിക്കൊണ്ടിരുന്ന ബസിന് തീപിടിച്ചു. ബസ് ജീവനക്കാരുടെ സമയോചിതമായ ഇടപെടല്‍ കാരണം വൻ ദുരന്തമാണ് ഒഴിവായത്. ഷാം നാഥ് മാർഗിന് സമീപത്തുവെച്ചാണ് സംഭവം. അപകടസമയത്ത് ബസിനകത്ത് യാത്രക്കാർ ഉണ്ടായിരുന്നു.

തീ പടരുന്നത് ശ്രദ്ധയില്‍പ്പെട്ട ഉടൻ തന്നെ ബസ് ജീവനക്കാർ യാത്രക്കാരെ സുരക്ഷിതമായി പുറത്തിറക്കുകയായിരുന്നു. അതിനാല്‍ ആർക്കും പരുക്കേല്‍ക്കുകയോ ആളപായം സംഭവിക്കുകയോ ചെയ്തില്ല. ഐഎഎസ്ബിടിയിലേക്ക് പോവുകയായിരുന്ന ബസിനാണ് തീപിടിച്ചത്. തീപിടിച്ച ഉടൻ വാഹനം നിർത്തി യാത്രക്കാരെ പുറത്തിറക്കിയതായി ബസ് ഡ്രൈവർ പോലീസിനോട് പറഞ്ഞു.

വിവരമറിഞ്ഞെത്തിയ മൂന്ന് അഗ്നിരക്ഷാ യൂണിറ്റുകള്‍ ഉടൻ തന്നെ തീയണച്ചു. സംഭവത്തില്‍ അട്ടിമറി സാധ്യതയില്ലെന്നാണ് പ്രാഥമിക അന്വേഷണത്തില്‍ വ്യക്തമാക്കുന്നത്. എന്നാല്‍ തീപിടിക്കാനുള്ള യഥാർഥ കാരണം കണ്ടെത്താനായിട്ടില്ല.

SUMMARY: A moving bus caught fire; a major disaster was averted