സംവിധായകനും റിയാലിറ്റി ഷോ താരവുമായ അഖില് മാരാർക്കെതിരെ പോലീസ് കേസ്. മുഖ്യമന്ത്രിയുടെ ദുരിതാശ്വാസ നിധിക്കെതിരായ ഫേസ്ബുക്ക് പോസ്റ്റിലാണ് പോലീസിന്റെ നടപടി. വയനാട് ദുരന്തത്തില്പ്പെട്ടവരെ സഹായിക്കാൻ മുഖ്യമന്ത്രിയുടെ ദുരിതാശ്വാസനിധിയിലേക്കു പണം കൊടുക്കാൻ താല്പര്യമില്ലെന്നായിരുന്നു അഖിലിന്റെ ഫേസ്ബുക്ക് പോസ്റ്റ്. പകരം താൻ വീടുകള് വച്ചു നല്കുമെന്നും അഖില് പറഞ്ഞു.
കൊച്ചി ഇൻഫോപാര്ക്ക് പോലീസാണ് അഖിലിനെതിരെ കേസെടുത്തിട്ടുള്ളത്. ഇ മെയില് വഴി കിട്ടിയ പരാതിയുടെ അടിസ്ഥാനത്തിലാണ് കേസെടുത്തതെന്നും തുടര് നടപടികള് സ്വീകരിക്കുമെന്നും ഇൻഫോപാര്ക്ക് പോലീസ് വ്യക്തമാക്കി. കേസെടുത്തതിനു പിന്നാലെ ‘വീണ്ടും കേസ്, മഹാരാജാവ് നീണാള് വാഴട്ടെ’ എന്നെഴുതിയ പുതിയ പോസ്റ്റും അഖില് മാരാരുടെ ഫേസ്ബുക്ക് അക്കൗണ്ടില് കുറിച്ചിരുന്നു.
TAGS : AKHIL MARAR | CASE
SUMMARY : Facebook post against Chief Minister’s Relief Fund: Case against Akhil Marar
WhatsApp
Telegram
