യാത്ര റദ്ദാക്കിയതിന് യുവതിയെ മർദിച്ച ഓട്ടോ ഡ്രൈവർ അറസ്റ്റിൽ

ബെംഗളൂരു: ബെംഗളൂരുവില്‍ വനിതാ യാത്രക്കാരിയെ മര്‍ദിച്ച ഓട്ടോ ഡ്രൈവർ അറസ്റ്റിൽ. മുത്തുരാജ് എന്ന ഡ്രൈവറെയാണ് ബെംഗളൂരു പോലീസ് അറസ്റ്റ് ചെയ്തത്. യാത്ര റദ്ദാക്കിയതിന് പിന്നാലെ മുത്തുരാജ് യുവതിയെ ഉപദ്രവിക്കുന്നതിന്റെ വീഡിയോ വൈറലായിരുന്നു. പിന്നാലെയാണ് മാഗഡി റോഡ് പോലീസ് ഇയാളെ അറസ്റ്റ് ചെയ്യുന്നത്.

നിതിയെന്ന യുവതിയെയാണ് മുത്തുരാജ് ഉപദ്രവിച്ചത്. ഇയാള്‍ തന്നെ ഉപദ്രവിക്കുന്ന വീഡിയോ നിതി തന്നെ എക്‌സിലൂടെ പങ്കുവെക്കുകയായിരുന്നു. മുത്തുരാജ് നിതിയുടെ ഫോണ്‍ തട്ടിയെടുക്കാന്‍ ശ്രമിച്ചതോടെയാണ് പ്രശ്നം വഷളായത്. അതേസമയം പോലീസിന്റെ ഉടനടിയുള്ള ഇടപെടലിനെ സാമൂഹ്യ മാധ്യമങ്ങള്‍ ഏറ്റെടുത്തു. ഭാവിയില്‍ ഇത്തരം അനുഭവങ്ങളില്ലാതിരിക്കാന്‍ ഓട്ടോ ഡ്രൈവര്‍മാര്‍ക്കും ആപ്പുകള്‍ക്കുമെതിരെ കര്‍ശന നടപടികള്‍ സ്വീകരിക്കുമെന്ന് സിറ്റി പോലീസ് വ്യക്തമാക്കി.

TAGS: BENGALURU | ARREST
SUMMARY: Auto driver who slapped women in bengaluru arrested by police