ബെംഗളൂരു: ബെംഗളൂരു മലയാളി ഫോറം സെപ്തംബര് 14 ന് കോറമംഗല സെന്റ് ജോൺസ് ഓഡിറ്റോറിയത്തിൽ നടത്തുന്ന ഓണാഘോഷപരിപാടി ‘ഓണരവം 2025’ന്റെ പോസ്റ്റർ പ്രകാശന ചടങ്ങ് അസോസിയേഷന് ഓഫീസിൽ നടന്നു. പ്രസിഡണ്ട് ജോജോ പി ജെ അധ്യക്ഷത വഹിച്ചു.
സെക്രട്ടറി ഷിബു ശിവദാസ്, ട്രഷറർ ഹെറാൾഡ് മാത്യു, അരുൺ ജോർജ്, പ്രിജി, അഡ്വ. മെന്റോ ഐസക്, മധു കലമാനൂർ, മനോഹരൻ, വിനീഷ്, സന്തോഷ് കല്ലട, രാജൻ കെ, ജെസ്സി ഷിബു, എബിൻ മാത്യു, രവിചന്ദ്രൻ, ചാർലി മാത്യു, ഷാജു ദേവസി, ഷാജി ആർ പിള്ള, ഡോ. ബീന, ഓമന ജേക്കബ്, എന്നിവർ സംസാരിച്ചു.
ഓണരവത്തിന്റെ ഭാഗമായി അന്നേദിവസം നടക്കുന്ന പൊതു സമ്മേളനത്തിൽ കര്ണാടക ഗതാഗത മന്ത്രി രാമലിംഗ റെഡി, കേരള ഡെപ്യൂട്ടി സ്പീക്കർ ചിറ്റയും ഗോപകുമാർ, ജയനഗർ എംഎൽഎ സി കെ രാമമൂർത്തി, ചലച്ചിത്ര സംവിധായകൻ കമൽ, നടി പ്രയാഗ മാർട്ടിൻ, എന്നിവർ മുഖ്യാതിഥികൾ ആയിരിക്കും. ഓൺലൈൻ പൂക്കള മത്സരം, പായസ മത്സരം, കൾച്ചറൽ പ്രോഗ്രാം,ശിങ്കാരിമേളം ഓണസദ്യ, ദുർഗ്ഗാ വിശ്വനാഥും ജോബി ജോൺ സംഘവും അവതരിപ്പിക്കുന്ന ഗാന സന്ധ്യയും ഉണ്ടായിരിക്കും.
SUMMARY: Bengaluru Malayali Forum ‘Onaravam 2025’; Poster released
