ഐഎസ്എല്ലിൽ ബ്ലാസ്റ്റേഴ്സിന് ആദ്യ ജയം; ബെംഗളൂരുവിനെ കീഴടക്കി

ബെംഗളൂരു: ഐഎസ്എല്ലിൽ ഈ സീസണിലെ തങ്ങളുടെ എട്ടാം മത്സരത്തിൽ ആദ്യ ജയം നേടി കേരള ബ്ളാസ്റ്റേഴ്സ്.ശനിയാഴ്ച നടന്ന മത്സരത്തിൽ ബെംഗളുരു എഫ്സിയെ ഒന്നിനെതിരെ രണ്ടുഗോളുകൾക്കാണ് ബ്ളാസ്റ്റേഴ്സ് തോൽപ്പിച്ചത്.

27-ാം മിനിട്ടിൽ ബ്ളാസ്റ്റേഴ്സിന്റെ എൻഡിയേയുടെ സെൽഫ് ഗോളിലൂടെ ബെംഗളുരുവാണ് ആദ്യം മുന്നിലെത്തിയത്. എന്നാൽ 60-ാം മിനിട്ടിൽ വിക്ടർ ബർത്തോമിയോയും 78-ാം മിനിട്ടിൽ ഫ്രാഞ്ചോയും നേടിയ ഗോളുകൾ ബ്ളാസ്റ്റേഴ്സിന് വിജയം നൽകി. ആഷ്‌ലി വെസ്റ്റ്‌വുഡ് കോച്ചായി എത്തിയശേഷമുള്ള രണ്ടാം മത്സരമായിരുന്നു ഇത്. തന്റെ മുൻ ക്ളബ് ബെംഗളൂരുവിനെതിരെയാണ് ആഷ്‌ലി ആദ്യജയം ആഘോഷിച്ചത്. എട്ടുകളിയിൽ നിന്ന് ടീമിന്റെ ആദ്യ ജയമാണിത്. ആദ്യ ഏഴുകളിൽ ആറിലും തോറ്റു. ഒരു മത്സരം സമനിലയിൽ കലാശിച്ചു. നിലവിൽ നാല് പോയന്റോടെ 13-ാം സ്ഥാനത്താണ് ബ്ലാസ്റ്റേഴ്സ്.

മറ്റൊരു മത്സരത്തിൽ ഇ‍ൗസ്‌റ്റ്‌ ബംഗാൾ 3–1ന്‌ ചെന്നൈയിൻ എഫ്‌സിയെ കീഴടക്കി. 15ന്‌ നോർത്ത്‌ ഇ‍ൗസ്‌റ്റ്‌ യുണൈറ്റഡുമായാണ്‌ ബ്ലാസ്‌റ്റേഴ്‌സിന്റെ അടുത്ത കളി.
SUMMARY: Blasters register first win in ISL; beat Bengaluru