ന്യൂയോര്ക്ക്: യുഎസ് ഓപ്പണ് ടെന്നീസ് പുരുഷ സിംഗിള്സില് കാര്ലോസ് അല്ക്കരാസിന് കിരീടം. ഫൈനലില് നിലവിലെ ചാംപ്യന് യാനിക് സിന്നറിനെ പരാജയപ്പെടുത്തിയാണ് സ്പാനിഷ് താരം തന്റെ രണ്ടാമത്തെ യുഎസ് ഓപ്പണ് കിരീടവും ആറാമത്തെ ഗ്രാന്ഡ്സ്ലാം കിരീടവും സ്വന്തമാക്കിയത്. നാല് സെറ്റ് നീണ്ട പോരാട്ടത്തിലൂടെയായിരുന്നു ജയം. സ്കോര് 6–2, 3–6, 6–1,6–4. ഈ ജയത്തോടെ 22-കാരനായ അല്ക്കരാസ് റാങ്കിങ്ങില് ഒന്നാമതെത്തി.
ആദ്യ സെറ്റില് അല്ക്കരാസ് ആധിപത്യം പുലര്ത്തി. എന്നാല് രണ്ടാം സെറ്റില് ഇറ്റാലിയന് താരമായ സിന്നര് മികച്ച തിരിച്ചുവരവ് നടത്തി. എന്നാല് മൂന്നാം സെറ്റും നാലാം സെറ്റും അല്ക്കരാസ് തന്നെ കൈവശപ്പെടുത്തുകയായിരുന്നു.
2023 സെപ്റ്റംബറിന് ശേഷം ആദ്യമായാണ് അല്ക്കരാസ് ഒന്നാംസ്ഥാനത്തേക്ക് മടങ്ങിയെത്തുന്നത്. ഹാര്ഡ് കോര്ട്ട്, ഗ്രാസ്, ക്ലേ കോര്ട്ടുകളില് ഒന്നിലധികം കിരീടം നേടുന്ന ചരിത്രത്തിലെ നാലാമത്തെ കളിക്കാരനായി അല്ക്കരാസ് മാറി.
SUMMARY: Carlos Alcaraz wins US Open title
WhatsApp
Telegram
