ബെംഗളൂരു: 2025 – ലെ സിവിൽ സര്വീസ് മെയിൻ പരീക്ഷയിൽ മികച്ച വിജയം നേടി ബാംഗ്ലൂർ കേരളസമാജം ഐഎഎസ് അക്കാദമിയിൽ നിന്നുള്ള 310 -ാം റാങ്ക് നേടിയ ചിന്മയിക്ക് ഐ.എ.എസ് ആണ് ലഭിക്കുക. പി. ചിന്മയി. ബെംഗളൂരു ശ്രീറാംപുര സ്വദേശിനിയും അഭിഭാഷകയുമാണ് ചിന്മയി.
ഏഴ് പേരാണ് ഇത്തവണ അക്കാദമിയിൽ നിന്നും പരീക്ഷ എഴുതിയത്. 2011-ൽ ആരംഭിച്ച കേരള സമാജം ഐ.എ.എസ് അക്കാദമിയിൽ നിന്നും ഇതുവരെ 166 പേർ വിവിധ സിവിൽ സർവ്വീസുകളിലേക്ക് തെരഞ്ഞെടുക്കപ്പെട്ടിട്ടുണ്ട്. പ്രിലിമിനറി, മെയിൻ പരീക്ഷകൾക്ക് സമഗ്ര പരിശീലനം നൽകിവരുന്നു. സിവിൽ സർവ്വീസ് ഉദ്യോഗസ്ഥരടങ്ങുന്ന പ്രഗത്ഭ സമിതിയാണ് പരിശീലനം നൽകുന്നത്.
2027 -ലെ പരീക്ഷക്കുള്ള രണ്ടു മാസത്തെ സൗജന്യ ഫൗണ്ടേഷൻ പരിശീലനം കഴിഞ്ഞയാഴ്ച ആരംഭിച്ചു. പരീക്ഷക്കു വേണ്ട അഭിരുചിയും കഴിവുകളും വളർത്തിയെടുത്തതിനു ശേഷം തുടർപരിശീലനം നൽകും. പങ്കെടുക്കുവാൻ താത്പര്യമുള്ളവർ 8431414491 എന്ന നമ്പരിൽ ബന്ധപ്പെടണമെന്ന് സമാജം ജനറൽ സെക്രട്ടറി റജികുമാർ അറിയിച്ചു.
SUMMARY: Civil Services Exam results
WhatsApp
Telegram
