പാക്-അഫ്ഗാൻ അതിർത്തിയിൽ ഏറ്റുമുട്ടല്‍; അ​ഞ്ച്പേ​ർ കൊ​ല്ല​പ്പെ​ട്ടു

ഇസ്‍ലാമാബാദ്: പാക് സൈന്യവും അഫ്ഗാനിസ്ഥാന്റെ താലിബാൻ സേനയും തമ്മിൽ അതിർത്തിയിൽ വീണ്ടും ഏറ്റുമുട്ടല്‍. അ​ഞ്ച് പേ​ർ കൊ​ല്ല​പ്പെ​ട്ടു. തെ​ക്ക​ൻ അ​ഫ്ഗാ​നി​സ്ഥാ​നി​ലെ കാ​ണ്ഡ​ഹാ​ർ പ്ര​വി​ശ്യ​യി​ലെ സ്പി​ൻ ബോ​ൾ​ഡ​ക്കി​ന​ടു​ത്തു​ള്ള അ​തി​ർ​ത്തി പ്ര​ദേ​ശ​ത്ത് മൂ​ന്ന് കു​ട്ടി​ക​ളും ഒ​രു സ്ത്രീ​യും ഉ​ൾ​പ്പെ​ടെ അഞ്ച് പേര്‍ മരിച്ചു. മൂ​ന്ന് പേ​ർ​ക്ക് പ​രു​ക്കേറ്റു.

വെടിവെപ്പുകൾ ആരംഭിച്ചതോടെ ഇരു രാജ്യങ്ങൾക്കുമിടയിലെ അതിർത്തി മേഖലയിൽ സ്ഥിതി ചെയ്യുന്ന അഫ്ഗാൻ നഗരമായ സ്പിൻ ബോൾഡാക്കിൽ നിന്ന് താമസക്കാർ രാക്കുരാമാനം പലായനം ചെ​യ്തു​വെ​ന്നാ​ണ് റി​പ്പോ​ർ​ട്ടു​ക​ൾ. കാൽനടയായും വാഹനങ്ങളിലുമായി നിരവധി അഫ്ഗാനികൾ പലായനം ചെയ്യുന്നതായുള്ള പ്രദേശത്തു നിന്നുള്ള ദൃശ്യങ്ങൾ പുറത്ത് വന്നിട്ടുണ്ട്. സം​ഘ​ർ​ഷ​ത്തെ തു​ട​ർ​ന്ന് സ്പി​ന്‍ ബോ​ള്‍​ഡ​ക്കി​ല്‍ നി​ന്ന് ആ​ളു​ക​ൾ പ​ലാ​യ​നം ചെ​യ്തു​വെ​ന്നാ​ണ് റി​പ്പോ​ർ​ട്ടു​ക​ൾ. വെ​ടി​നി​ർ​ത്ത​ൽ ക​രാ​ർ ലം​ഘി​ച്ച് ഏ​റ്റു​മു​ട്ട​ലി​ന് തു​ട​ക്ക​മി​ട്ട​തി​ന് ഇ​രു​പ​ക്ഷ​വും പ​ര​സ്പ​രം കു​റ്റ​പ്പെ​ടു​ത്തി. ശ​നി​യാ​ഴ്ച പു​ല​ർ​ച്ചെ വ​രെ ഏ​റ്റു​മു​ട്ട​ൽ നീ​ണ്ടു​നി​ന്നു.

ഇ​രു രാ​ജ്യ​ങ്ങ​ളും ത​മ്മി​ലു​ള്ള സം​ഘ​ർ​ഷം ഒ​ക്ടോ​ബ​ർ മു​ത​ൽ ഉ​യ​ർ​ന്ന നി​ല​യി​ലാ​ണ്. ഒ​ക്ടോ​ബ​ർ ഒ​ൻ​പ​തി​ന് അ​ഫ്ഗാ​ൻ ത​ല​സ്ഥാ​ന​മാ​യ കാ​ബൂ​ളി​ൽ ന​ട​ന്ന സ്ഫോ​ട​ന​ങ്ങ​ളെ തു​ട​ർ​ന്നാ​ണ് അ​ക്ര​മം പൊ​ട്ടി​പ്പു​റ​പ്പെ​ട്ട​ത്. സം​ഭ​വ​ത്തി​ൽ പാ​ക്കി​സ്ഥാ​നെ കു​റ്റ​പ്പെ​ടു​ത്തി​യ താ​ലി​ബാ​ൻ സ​ർ​ക്കാ​ർ, പ്ര​തി​കാ​രം ചെ​യ്യു​മെ​ന്ന് പ്ര​തി​ജ്ഞ​യെ​ടു​ക്കു​ക​യും ചെ​യ്തു.
SUMMARY: Clashes on Pak-Afghan border; Five killed