ഡല്ഹി: രാജ്യത്ത് സിഎൻജി വിലയില് വീണ്ടും വർധനവ്. കിലോഗ്രാമിന് രണ്ട് രൂപയാണ് വർധിപ്പിച്ചത്. കഴിഞ്ഞ രണ്ടാഴ്ചയ്ക്കുള്ളില് സിഎൻജി വിലയില് വരുത്തുന്ന നാലാമത്തെ വർധനവാണിത്. ഇതോടെ ഡല്ഹിയില് ഒരു കിലോ സിഎൻജിയുടെ വില 83.09 രൂപയായി ഉയർന്നു. നോയിഡ, ഗ്രേറ്റർ നോയിഡ, ഗാസിയാബാദ് എന്നിവിടങ്ങളില് വില 91.70 രൂപയായും സിഎൻജി വില ഉയർന്നു.
അന്താരാഷ്ട്ര വിപണിയില് പ്രകൃതിവാതകത്തിനുണ്ടായ വിലവർധനവും ഇറക്കുമതി ചെലവ് കൂടിയതുമാണ് വില കൂട്ടാൻ കാരണമെന്ന് കമ്പനികള് വ്യക്തമാക്കുന്നു. മേയ് 15-ന് രണ്ട് രൂപയും, 17-ന് ഒരു രൂപയും, 23-ന് വീണ്ടും ഒരു രൂപയും വർധിപ്പിച്ചിരുന്നു. ഇതിന് പിന്നാലെയാണ് ഇപ്പോള് വീണ്ടും രണ്ട് രൂപ വർധിപ്പിച്ചിരിക്കുന്നത്.
SUMMARY: CNG prices hiked again; fourth time in two weeks
