പാലക്കാട്: കുഴല്മന്ദം നൊച്ചുള്ളിയില് വീടിന് മുന്നില് നിർത്തിയിട്ടിരുന്ന ഓട്ടോറിക്ഷ സാമൂഹിക വിരുദ്ധർ കത്തിച്ചതായി പരാതി. നൊച്ചുള്ളി സ്വദേശി മഹേഷിന്റെ ഉടമസ്ഥതയിലുള്ള ഓട്ടോറിക്ഷയാണ് കഴിഞ്ഞ ഒന്നാം തീയതി രാത്രി അഗ്നിക്കിരയായത്. സംഭവത്തില് കുഴല്മന്ദം പോലീസ് കേസെടുത്ത് അന്വേഷണം ആരംഭിച്ചു.
ശബരിമല ദർശനം കഴിഞ്ഞ് വീട്ടില് തിരിച്ചെത്തിയപ്പോഴാണ് മഹേഷ് തന്റെ ഓട്ടോറിക്ഷ കത്തിനശിച്ച നിലയില് കണ്ടത്. വാഹനത്തിന് സമീപത്തുനിന്ന് മണ്ണെണ്ണ കുപ്പിയും തീപ്പെട്ടിയും പോലീസ് കണ്ടെടുത്തു.
SUMMARY: Complaint that an autorickshaw parked in front of a house was set on fire
