ബെംഗളൂരു: കോൺഗ്രസ് വീണ്ടും കേന്ദ്രത്തിൽ അധികാരത്തിൽ വന്നാൽ ആർഎസ്എസിനെ നിരോധിക്കുമെന്ന് കർണാടക മന്ത്രി പ്രിയങ്ക് ഖാർഗെ. ആര്എസ്എസ് സമൂഹത്തില് വിദ്വേഷം പരത്തുകയാണ്. നിയമങ്ങളെ മാനിച്ചു കൊണ്ടു പ്രവര്ത്തിക്കുന്ന സംഘടനയുമല്ലെന്നും അദ്ദേഹം പറഞ്ഞു. നിയമനിർമ്മാണ സഭയുടെ ജോലി നിയമനിർമ്മാണം നടത്തുക എന്നതാണ്. ഞങ്ങൾ ആവശ്യമായ നിയമനിർമ്മാണം കൊണ്ടുവരും, പക്ഷേ ഭരണഘടനയുടെ പരിധിക്കപ്പുറം പ്രവർത്തിക്കാൻ കഴിയില്ലെന്നും പ്രിയങ്ക് ഖാർഗെ പറഞ്ഞു.
“കോൺഗ്രസ് വീണ്ടും കേന്ദ്രത്തിൽ അധികാരത്തിൽ വന്നാൽ ഞങ്ങൾ ആർഎസ്എസിനെ നിരോധിക്കും. ആർഎസ്എസ് സമൂഹത്തിൽ വിദ്വേഷം വളർത്തുന്നു . നിയമത്തിന്റെ പരിധിക്കുള്ളിൽ പ്രവർത്തിക്കുന്നില്ല. സർദാർ പട്ടേൽ ആർഎസ്എസിനെ നിരോധിച്ചില്ലേ? ഇന്ദിരാഗാന്ധി ആർഎസ്എസിനെ നിരോധിച്ചില്ലേ? . ഭരണഘടന അവർക്കും അവരുടെ പ്രത്യയശാസ്ത്ര അഭിലാഷങ്ങൾക്കും ഇടയിലാണ് നിലകൊള്ളുന്നതെന്ന് ആർഎസ്എസിന് നന്നായി അറിയാം“ പ്രിയങ്ക ഖാർഗെ പറഞ്ഞു. . ഇപ്പോഴും അവർ നിയമം പാലിക്കുന്നതായി നടിക്കുക മാത്രമാണ് ചെയ്യുന്നത്. അവരുടെ 250 കോടി രൂപയുടെ ഫണ്ടിന്റെ ഉറവിടം എന്താണ്? ഈ കാര്യങ്ങൾ അന്വേഷിക്കണം” ഖാർഗെ പറഞ്ഞു.
SUMMARY: Congress will ban RSS if it comes to power at the Centre: Priyank Kharge
