തിരുവനന്തപുരം: നെയ്യാറ്റിന്കരയില് വയോധികന് സമാധി ആയെന്ന വിവാദത്തില് മൃതദേഹം പുറത്തെടുത്ത് പോസ്റ്റ്മോര്ട്ടം നടത്താനുളള ഒരുക്കത്തില് പോലീസ്. സംഭവത്തില് പോലീസ് സമഗ്രാന്വേഷണം നടത്തും. ജില്ലാ കലക്ടറുടെ അനുമതി ലഭിച്ചു കഴിഞ്ഞാല് കല്ലറ പൊളിച്ച് മൃതദേഹം പുറത്തെടുത്ത് പരിശോധന നടത്താനാണ് പോലീസ് നീക്കം.
പിതാവ് മരിച്ച വിവരം സമാധിയായി എന്ന നിലയില് രേഖപ്പെടുത്തി മക്കള് സ്ഥാപിച്ച പോസ്റ്ററിലൂടെയാണ് സംഭവം നാട്ടുകാര് അറിയുന്നത്. ക്ഷേത്ര പൂജാരിയായിരുന്ന 78കാരനായ ഗോപന് സ്വാമിയാണ് മരിച്ചത്. നെയ്യാറ്റിന്കര ആറാലു മൂടില് ക്ഷേത്രാചാര്യനായിരുന്ന ഗോപന് സ്വാമി സമാധിയായെന്നും നാട്ടുകാര് അറിയാതെ അന്ത്യകര്മ്മങ്ങള് ചെയ്തുവെന്നുമാണ് കുടുംബാംഗങ്ങള് പറയുന്നത്.
ഗോപന് സമാധിയായെന്ന് അറിയിച്ചുളള പോസ്റ്റുകള് പ്രദേശത്ത് കഴിഞ്ഞ ദിവസമാണ് മക്കള് പതിച്ചത്. ഇതിന് മുമ്പ് രണ്ട് ആണ് മക്കള് ചേര്ന്ന് മൃതദേഹം സമാധിയിരുത്തി അടക്കം ചെയ്തിരുന്നുവെന്നും വീട്ടുകാര് പറയുന്നു. ഇതിന് ശേഷം കുഴിമാടത്തിന് മുകളില് സിമന്റ് കൊണ്ട് ഒരു തിട്ട കെട്ടുകയും ചെയ്തു. പോസ്റ്റര് കണ്ടതോടെ മരണം കൊലപാതകമെന്ന് ആരോപിച്ച് നാട്ടുകാര് രംഗത്തെത്തുകയായിരുന്നു.
<BR>
TAGS : DEATH OF GOPAN SWAMI
SUMMARY : Controversial Samadhi in Neyyatinkara: Police to conduct comprehensive investigation
WhatsApp
Telegram
