പാചക വാതക പ്രതിസന്ധി; പോണ്ടിച്ചേരി സര്‍വകലാശാല അടച്ചുപൂട്ടുന്നു

തിരുവനന്തപുരം: പാചക വാതക പ്രതിസന്ധിയെ തുടർന്ന് പോണ്ടിച്ചേരി സർവകലാശാല അടച്ചുപൂട്ടുന്നു. അക്കാദമിക് വർഷം ഏപ്രില്‍ 30ന് അവസാനിക്കുമെന്നാണ് സർവകലാശാല സർക്കുലർ. 15 ദിവസം മുമ്പ് അക്കാദമിക് വർഷം അവസാനിപ്പിക്കുന്നതില്‍ വിദ്യാർഥികള്‍ പ്രതിഷേധിച്ചു.

പാചക വാതക പ്രതിസന്ധിയെ തുടർന്ന് കോളജുകളിലെ ഹോസ്റ്റലുകള്‍ പ്രവർത്തിക്കുന്നില്ല. ഏപ്രില്‍ 30 നകം പരീക്ഷകള്‍ പൂർത്തീകരിക്കണം അസൈൻമെന്റ് ലാബ് തുടങ്ങിയവയും പൂർത്തിയാക്കണമെന്നും നിർദേശമുണ്ട്. സാധാരണഗതിയില്‍ മെയ് 15 നാണ് അക്കാദമിക് വർഷം അവസാനിക്കുന്നത്.

അക്കാദമിക് കലണ്ടർ വെട്ടിച്ചുരുക്കി അതിന്റെ ഭാരം വിദ്യാർഥികളുടെ മേല്‍ അടിച്ചേല്‍പ്പിക്കുന്നതിന് പകരം, പ്രശ്നം പരിഹരിക്കാൻ മറ്റ് ബദല്‍ മാർഗങ്ങള്‍ തേടുകയാണ് സർവകലാശാല ചെയ്യേണ്ടതെന്ന് പ്രതിഷേധക്കാർ ആവശ്യപ്പെടുന്നു. എല്‍പിജി ക്ഷാമം മൂലം പോണ്ടിച്ചേരി കേന്ദ്ര സർവകലാശാലയുടെ പ്രവർത്തനം തടസ്സപ്പെട്ടത് വലിയ ആശങ്കയ്ക്ക് വഴിതെളിച്ചിട്ടുണ്ട്.

SUMMARY: Cooking gas crisis; Pondicherry University shuts down