പന്നിക്കു വച്ച കെണിയില്‍ നിന്ന് ഷോക്കേറ്റ് അച്ഛനും മകനും മരിച്ചു

തിരുവനന്തപുരം: കിളിമാനൂർ ചെങ്കിക്കുന്നില്‍ പന്നിക്കുവച്ച കെണിയില്‍ നിന്ന് ഷോക്കേറ്റ് അച്ഛനും മകനും മരിച്ചു. കൊച്ചുണ്ണി (58) മകൻ അഖില്‍ കണ്ണൻ (32) എന്നിവരാണ് മരിച്ചത്. മരിച്ചിനി കൃഷി നടത്തിയിരുന്ന ഭാഗത്ത് സഥാപിച്ചിരുന്ന വൈദ്യുതിവേലിയില്‍ നിന്നാണ് ഷോക്കേറ്റത്.

നാരായണൻ പോറ്റിയെന്നയാളുടെ ഉടമസ്ഥതയിലുള്ള പുരയിടത്തില്‍ സ്ഥാപിച്ച വൈദ്യുതി കെണിയില്‍ നിന്നാണ് അപകടം ഉണ്ടായത്. ഇന്നലെ രാത്രിയോടെയാണ് സംഭവം നടന്നതെന്നാണ് പോലീസിന്റെ പ്രാഥമിക നിഗമനം. രാവിലെ പത്തുമണിയോടെ ഈ പുരയിടത്തില്‍ തന്നെ ജോലി ചെയ്യുന്ന ഗോപാലൻ എന്നയാളാണ് ആദ്യം മൃതദേഹം കണ്ടത്.

തുടർന്ന് പോലീസ് സ്ഥലത്തെത്തി ഇൻക്വസ്റ്റ് നടപടികള്‍ പൂർത്തിയാക്കിയ ശേഷം മൃതദേഹം തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി.
അനധികൃതമായി സ്ഥാപിച്ച വൈദ്യുതി വേലിയായതിനാല്‍ പോലീസ് സ്ഥലം ഉടമ‌യ്‌ക്കെതിരെ കേസെടുത്തിട്ടുണ്ട്. കൂടുതല്‍ അന്വേഷണം നടത്തി വേലി കെട്ടാൻ സഹായിച്ചവരെയും പ്രതി ചേർക്കുമെന്ന് നഗരൂർ പോലീസ് അറിയിച്ചു.

SUMMARY: Father and son die after being shocked by a pig trap