കേരളത്തിൽ സ്വർണവില കുറഞ്ഞു

കൊച്ചി: കേരളത്തിൽ സ്വർണവില കുറഞ്ഞു. ഗ്രാമിന് 25 രൂപയുടെ കുറവാണ് ഉണ്ടായത്. ഒരു ഗ്രാം സ്വർണത്തിന്റെ വില 11,275 രൂപയായാണ് കുറഞ്ഞത്. പവന്റെ വിലയിൽ 200 രൂപയുടെ കുറവുണ്ടായി.

സംസ്ഥാനത്ത് ഇന്ന് ഒരു പവന്‍ സ്വര്‍ണത്തിന് 90,200 രൂപയാണ് വില. കഴിഞ്ഞ ദിവസം വൈകീട്ടാണ് സ്വര്‍ണം വീണ്ടും 90,000ത്തിന് മുകളിലേക്ക് ഉയര്‍ന്നത്. ഒക്ടോബര്‍ 31ന് വൈകീട്ട് 90,400 രൂപയായിരുന്നു പവന്റെ വില. എന്നാല്‍ ഇന്ന് 200 രൂപ സ്വര്‍ണത്തിന് കുറഞ്ഞു. ഒരു ഗ്രാം സ്വര്‍ണത്തിന് കഴിഞ്ഞ ദിവസം 11,300 രൂപയായിരുന്നു വില.

ആഗോളവിപണിയിലും സ്വർണവില ഇടിയുകയാണ്. ഒരു ശതമാനം ഇടിവാണ് ആഗോളവിപണിയിൽ രേഖപ്പെടുത്തിയത്. സ്​പോട്ട് ഗോൾഡിന്റെ വില ഔൺസിന് 4,001.74 ഡോളറായാണ് കുറഞ്ഞത്. യു.എസ് ഗോൾഡ് ഫ്യൂച്ചർ നിരക്ക് 0.5 ശതമാനം ഇടിഞ്ഞ് 3,996.5 ഡോളറിലെത്തി. എന്നാൽ, ഒക്ടോബർ മാസത്തിൽ സ്വർണത്തിന് 3.7 ശതമാനം നേട്ടമുണ്ടായിട്ടുണ്ട്. ഫെഡറൽ റിസർവിന്റെ പലിശ നിരക്ക് സംബന്ധിച്ച പ്രഖ്യാപനം തന്നെയാണ് സ്വർണവിലയെ സ്വാധീനിക്കുന്ന പ്രധാനഘടകം.
SUMMARY: Gold prices fall in Kerala