കനത്ത പുകമഞ്ഞ്; ഡൽഹി-ആഗ്രാ എക്സ്പ്രസ് പാതയിൽ ഏഴ് ബസുകളും മൂന്ന് കാറുകളും കൂട്ടിയിടിച്ചു; നാല് മരണം

ലഖ്നൗ: ഡൽഹി-ആഗ്രാ എക്സ്പ്രസ് പാതയിൽ വാഹനങ്ങൾ കൂട്ടിയിടിച്ച് നാലു പേർ മരിച്ചു. 25 പേർക്ക് പരുക്ക്. പുലർച്ചെ നാല് മണിയോടെയാണ് അപകടം സംഭവിച്ചത്. പുകമഞ്ഞ് കാരണം കാഴ്ച പരിധി കുറഞ്ഞും തൊട്ടുമുന്നില്‍ പോകുന്ന വാഹനങ്ങള്‍ കാണാന്‍ കഴിയാത്തതുമാണ് അപകടം സംഭവിച്ചത്.

ഏഴ് ബസുകളുും മൂന്ന് കാറുകളുമാണ് കൂട്ടിയിടിച്ചത്. അപകമുണ്ടായ ഉടനെതന്നെ വാഹനങ്ങൾക്ക് തീപിടിക്കുകും ആളിപ്പടരുകയും ചെയ്തു. 11 അ​ഗ്നിശമനസേനാ വാഹനങ്ങൾ എത്തി തീഅണയ്ക്കാനുള്ള ശ്രമം നടത്തി. ബസുകൾക്കെല്ലാം തീപിടിച്ചു. നിലവിൽ തീ നിയന്ത്രണവിധേയമാണ്. പരിക്കേറ്റവരെ വിവിധ ആശുപത്രികളിലേക്ക് മാറ്റി. മരണസംഖ്യ ഉയർന്നേക്കും.
SUMMARY: Heavy smog; Seven buses and three cars collide on Delhi-Agra Expressway; Four dead