ബെംഗളൂരു: കേരളസമാജം ബാംഗ്ലൂർ നോർത്ത് വെസ്റ്റ് ഓണാഘോഷത്തിൻറെ ഭാഗമായി സംഘടിപ്പിക്കുന്ന അന്തർ സംസ്ഥാന വടംവലി മത്സരം ഒക്ടോബർ 26ന് ഉച്ചക്ക് രണ്ട് മണി മുതല് ജലഹള്ളിയിലുള്ള ദോസ്തി ഗ്രൗണ്ടിൽ നടക്കും.
കേരള സ്റ്റേറ്റ് ടഗ് ഓഫ് വാർ മെമ്പേഴ്സ് വെൽഫെയർ അസോസിയേഷൻ ആയിരിക്കും മത്സരം നിയന്ത്രിക്കുന്നത്. വടം വലി മത്സരത്തിന്റെ വിജയത്തിനായിവിപുലമായ സംഘാടക സമിതി രൂപീകരിച്ചു.
മത്സരത്തിൽ പങ്കെടുക്കുന്ന ടീമുകൾ ഒക്ടോബർ 26-ന് ഉച്ചയ്ക്ക് 12 മണിക്ക് മുമ്പായി റിപ്പോർട്ട് ചെയ്യേണ്ടതാണ്. ഈ സമയത്തിനകം റിപ്പോർട്ട് ചെയ്യാത്ത ടീമുകൾക്ക് മത്സരത്തിൽ പങ്കെടുക്കാൻ അവസരം ലഭിക്കില്ല. റജിസ്ട്രേഷൻ ഫീയായ 2500 ഒക്ടോബർ 16ന് മുമ്പ്, ടീമിന്റെ പേര്, മേൽവിലാസം, പങ്കെടുക്കുന്നവരുടെ പേരുകൾ എന്നിവ സമർപ്പിച്ച് രജിസ്റ്റർ ചെയ്യേണ്ടതാണ്. മത്സരം ലീഗ് അടിസ്ഥാനത്തിലും പൂർണ്ണമായും തോൾ ശൈലിയിലും ആയിരിക്കും. ഒന്നാം സമ്മാനമായി 1,00,000 രൂപയും റോളിംഗ് ട്രോഫിയും, രണ്ടാം സമ്മാനമായി 50,000 രൂപയും റോളിംഗ് ട്രോഫിയും മൂന്നാം സമ്മാനമായി 25,000 രൂപയും നാലാം സമ്മാനമായി 10,000 രൂപയും ഷീൽഡും നല്കും.
SUMMARY: Kerala Samajam Bangalore Northwest Inter-State Tug of War Competition on October 26th
