തിരുവനന്തപുരം: കേരളത്തിൽ സ്വർണ വിലയിൽ നേരിയ കുറവ്. ഇന്ന് ഗ്രാമിന് 10 രൂപ കുറഞ്ഞ് 13,090 രൂപയിലും, പവന് 80 രൂപ കുറഞ്ഞ് 1,04,720 രൂപയിലുമാണ് വ്യാപാരം നടക്കുന്നത്. 18 കാരറ്റിന് ഗ്രാമിന് 70 രൂപ കുറഞ്ഞ് 10755 രൂപയായി. 86,040 രൂപയാണ് പവൻ വില. കേരളത്തിലെ സ്വർണാഭരണ വിപണിയില്‍ 18 കാരറ്റ് സ്വർണത്തിന് ഏകീകൃത വില ഏർപ്പെടുത്താൻ ഇന്നലെ ചേർന്ന സ്വർണ വ്യാപാര സംഘടനകളുടെ സംയുക്ത യോഗം തീരുമാനിച്ചിരുന്നു.
22 കാരറ്റ് സ്വർണത്തിന് നിലവില്‍ ഏകീകൃത വിലയാണ്. 18 കാരറ്റിനും വില ഏകീകരിക്കുന്നതിന് വളരെക്കാലമായി ചർച്ച നടന്നുവരികയായിരുന്നു. ഇന്നുമുതലാണ് വില ഏകീകരിച്ചത്. വരും ദിവസങ്ങളിലും സ്വർണവില ഏറിയും കുറഞ്ഞും മാറിമറിയാനാണ് സാധ്യത. അന്താരാഷ്ട്ര വിപണിയിലെ ചലനങ്ങളും ഭൗമരാഷ്ട്രീയ സാഹചര്യങ്ങളും സ്വർണവിലയെ സ്വാധീനിക്കും എന്നാണ് വിലയിരുത്തല്‍.
SUMMARY: Gold rate is decreased
