ബെംഗളൂരു: കർണാടക മുൻ മന്ത്രിയും മുതിർന്ന ബിജെപി നേതാവുമായ എസ്.വി. രാമചന്ദ്ര ഗൗഡ (88) ചൊവ്വാഴ്ച രാവിലെ ബെംഗളൂരുവിലെ സ്വകാര്യ ആശുപത്രിയിൽ അന്തരിച്ചു. വാർധക്യസഹജമായ ആരോഗ്യപ്രശ്നങ്ങളെ തുടർന്ന് ചികിത്സയിലിരിക്കെ രാവിലെ 6.20ഓടെയായിരുന്നു അന്ത്യം.
Bengaluru:
Senior Karnataka BJP leader and former minister Ramachandra Gowda passes away at 88. pic.twitter.com/2eTRRqx0rM
— News Arena India (@NewsArenaIndia) July 14, 2026
കർണാടക രാഷ്ട്രീയത്തിലെ മുതിർന്ന നേതാക്കളിൽ ഒരാളായിരുന്ന രാമചന്ദ്ര ഗൗഡ, ജനസംഘ് കാലം മുതൽ സജീവ രാഷ്ട്രീയത്തിലുണ്ടായിരുന്നു. തുടർന്ന് ഭാരതീയ ജനതാ പാർട്ടിയുടെ വളർച്ചയിൽ നിർണായക പങ്കുവഹിച്ചു. ബെംഗളൂരു നഗര രാഷ്ട്രീയത്തിലും സംസ്ഥാന രാഷ്ട്രീയത്തിലും അദ്ദേഹം ശ്രദ്ധേയ സാന്നിധ്യമായിരുന്നു. നിരവധി തവണ കർണാടക നിയമപരിഷത്ത് അംഗമായും പ്രവർത്തിച്ചു. ബിജെപി മന്ത്രിസഭയില് ഉന്നത വിദ്യാഭ്യാസം, മെഡിക്കൽ വിദ്യാഭ്യാസം, സെറികൾച്ചർ, ശാസ്ത്ര സാങ്കേതിക വിദ്യ, ചെറുകിട സമ്പാദ്യം, മൈനിംഗ് ആന്റ് ജിയോളജി തുടങ്ങിയ പ്രധാന വകുപ്പുകൾ അദ്ദേഹം കൈകാര്യം ചെയ്തിട്ടുണ്ട്.
ഭൗതികശരീരം കാമാക്ഷിപാള്യയിലെ അദ്ദേഹത്തിന്റെ വസതിയിൽ പൊതുദർശനത്തിനായി വയ്ക്കും. തുടർന്ന് ഔദ്യോഗിക ബഹുമതികളോടെ സംസ്കാരച്ചടങ്ങുകൾ നടക്കുമെന്ന് കുടുംബം അറിയിച്ചു. അദ്ദേഹത്തിന്റെ വേര്പാടില് രാഷ്ട്രീയ-സാമൂഹിക രംഗത്തെ നിരവധി പ്രമുഖർ അനുശോചനമറിയിച്ചു.
SUMMARY: Former Karnataka minister and senior BJP leader S.V. Ramachandra Gowda passed away
